5.9 C
Dushanbe

Касалхона: Оташсӯзӣ ҷони 64 беморро гирифт

Мақомоти беҳдоштии вилояти Зиқор дар ҷануби Ироқ аз кушта ва маҷрӯҳ шудани даҳҳо шаҳрванди ин кишвар бар асари оташсӯзие дар бемористони ба номи “Имом Ҳусейн” рӯх дод, иттилоъ медиҳанд.

Тибқи охирин гузориши расонаҳои маҳаллӣ, ин оташсӯзӣ шоми рӯзи душанбе соати 20:00 ба вақти маҳаллӣ дар бемористони мазкур рух дода, 64 кушта ва 50 захмӣ ба ҷо гузоштааст.

Дар ҳамин ҳол як манбаъ аз сохторҳои амниятии ин кишвар ба телвизиони “Alsumaria TV” адади кушташудагонро 63 ва осебдидагонро 100 нафар арзёбӣ кардааст.

Мақомоти Ироқ сабаби оташсӯзиро дар бемористон аз бетаваҷҷӯҳии кормандон бо балонҳои оксиген арзёбӣ мекунанд. Гуфта мешавад, дар ин бемористон беморони COVID-19 муолиҷа мешудаанд.

Наворе дар шабакаҳои иҷтимоӣ нашр шуда, ки шоҳидони ҳодиса мегӯянд, шоми душанбе оташ ба якбора сар зад, мисле, ки қаблан тарроҳӣ шуда бошад ва касе онро бо нақшаи пешакӣ анҷом додааст. То расидани оташнишонҳо аллакаи ҳама сӯхта буд.

Дар ҳамин ҳол имрӯз 13 июл Мустафо Козимӣ, Сарвизир ва Фармондеҳи кулли қуваҳои мусаллаҳи Ироқ ҷаласаи фарвӣ ташкил дода, таҳқиқи ҳамаҷонибаи оташсӯзиро аз идораҳои дахлдор талаб намуд. Ӯ ҳамчунин дастур дод, ки мудири беҳдошти вилояти Зиқор, мудири бемористон ва мудири бахши вилоятии Вазорати ҳолатҳои фавқулъоддаро барои таҳқиқи масъала боздошт кунанд.

Давоми соли ҷорӣ ин бори дуюм аст, ки дар беморхонаҳои нигаҳдории беморони каронавирус оташсӯзӣ рух медиҳад. Бори аввал охири моҳи апрели ҳамин сол беморхонаи “Ибни Хатиб” дар Бағдод – пойтахти Ироқ ба коми оташ рафт ва дар натиҷа 82 нафар кушта ва 110 нафари дигар ҷароҳатҳои гуногун бардоштанд.

Таҳлилгарони маҳаллӣ тахмин мезананд, ки ин оташсӯзиҳо дар беморхонаҳое, ки беморони COVID-19 муолиҷа мешаванд, қасдан аз ҷониби шахсони муайяне анҷом дода мешавад.

Хабарро таблиғ кунед:

БЕШТАР БИХОНЕД
БЕШТАР БИХОНЕД

Русия ба Тоҷикистон муаллиму китобҳои забони рус мефиристад

Русия махсус барои Тоҷикистон омӯзгорони забони русӣ ва дигар...

Мухолифони Толибон дар Душанбе ҷамъ омаданд

Нишасти 11-уми "Гуфтумони амниятии Ҳирот" бо меҳварияти масоили Афғонистон дар шаҳри Душанбе ба кори худ оғоз кард.

Поёни оташбаси муваққат дар Ғазза ва хостори тамдиди он

Имрӯз, 27-уми ноябр рӯзи охирини оташбаси 4-рӯзаи байни Исроил ва ҲАМОС аст. Эҳтимол меравад он то чанд рӯзи дигар тамдид шавад.

Таҷаммуи эътирозӣ дар Олмон барои озодии Абдуллоҳи Шамсиддин

Гурӯҳе аз ҳамкорони Абдуллоҳи Шамсиддин, писари Шамсиддини Саид, узви аршади ҲНИТ рӯзи 23-уми ноябр бори дигар дар Олмон барои талаби раҳоии ӯ гирдиҳамоӣ карданд.