28.9 C
Dushanbe

Қатли як рӯзноманигори покистонӣ дар Кения

Як рӯзноманигори мунтақиди артиши Покистон дар Кения бо зарби чанд тир кушта шуд ва журналистон таъкид мекунанд, ки бояд ин ҳодиса дуруст таҳқиқ карда шавад.

23-уми октябри соли 2022, Аршад Шариф, рӯзноманигори 49-солаи покистонӣ дар шаҳри Нейроби, пойтахти Кения бо зарби чанд тир кушта шуд.

Ориф Алавӣ, Президенти Покистон қатли Аршад Шарифро зоеъаи бузурге барои ҷомеаи рӯзноманигорӣ ва Покистон эълон карда, ба хонавода ва пайвандони ӯ таъзият гуфт.

Аз сӯи дигар, Имрон Хон, собиқ нахуствазири Покистон, ки Аршад Шарифро яке аз мухолифони ҳукумати феълӣ ва ҳамовозони худ медонист, талаб кардааст, ки барои таҳқиқи ин ҳодиса як гурӯҳи хос таъсис дода шавад.

Вазорати корҳои дохилии Покистон гуфтааст, ки барои таҳқиқи ин ҳодиса бо ҳамтоёни худ дар Кения дар тамос ҳастанд ва сафорати Покистон ҳам муваззаф шудааст, ки барои интиқоли ҷасади ӯ ба кишвараш кумак кунад.

Гуфта мешавад, Аршад Шариф, яке аз рӯзноманигорони шинохта ва яке аз мунтақидони ҳамроҳ шудани артиши Покистон дар сиёсат ва дахолати он дар ҳукумат буд. Ба ин хотир, ишораи ангушти иттиҳоми ин қатл пеш аз ҳама ба сӯи артиши Покистон равона шудааст.

Хабарро таблиғ кунед:

БЕШТАР БИХОНЕД
БЕШТАР БИХОНЕД

“Гурӯҳи 24” рафтори мақомоти рус ва беамалии мақомоти тоҷикро маҳкум кард

Ҳаракати сиёсии “Гурӯҳи 24” бо нашри изҳороте рейду боздошт ва латтукӯби муҳоҷиронро дар шаҳру ноҳияҳои Русия муносибати ғайриинсонӣ ва бераҳмонаи мақомоти давлатии ин кишвар номид.

Шикояти вакилони дифоъи Хуршед Фозилов

Вакилони дифои рӯзноманигори зиндонӣ Хуршед Фозилов аз болои ҳукми Додгоҳи Панҷакент ба Додгоҳи вилояти Суғд шикоят бурдаанд.  

Латтукӯби муҳоҷирон ва ба маконҳои номаълум бурдани онҳо идома дорад

Чанд рӯзи ахир боздошт ва латтукӯби муҳоҷирон, бахусус муҳоҷирони тоҷик аз ҷониби нерӯҳои амниятӣ ва интизомии Русия бештар шудааст.

Рафту омад дар роҳи Душанбе-Хуҷанд маҳдуд шуд

Шуруъ аз имрӯз, 1-уми июни соли ҷорӣ дар шоҳроҳи Душанбе-Чаноқ барои рафту омади мошинҳо маҳдудият ҷорӣ шудааст.