14.9 C
Dushanbe

Қазоқистон ба хотири чӣ ба Тоҷикистону Қирғизистон кумаки ҳарбӣ мекунад?

Ба гузориши “Tengrinews.kz” Вазорати дифои Ҷумҳурии Қазоқистон дар пайи кумакҳои ҳарбияш ба Тоҷикистону Қирғизистон гуфта, ки бо ин кумакҳои ҳарбӣ-техникӣ қасди тезонидани даргириҳои марзӣ байни ин ду кишварро надорад.

Тибқи иттилои Вазорати мудофиаи Қазқистон, моҳи декабри соли 2019 Вазорати мудофиаи Тоҷикистон дар робита ба пуршиддат шудани вазъ дар минтақаи марзии Тоҷикистону Афғонистон аз ҷониби Қазоқистон талаби кумаки ҳарбӣ-техникӣ карда буд. Аммо созишномаи байниҳукуматӣ дар бораи расонидани кумаки ройгони ҳарбӣ-техникӣ 17 апрели соли 2021 ба имзо расид.

Ҳамчунин ин ниҳоди қазоқистонӣ афзуд, ки чунин қарордод бо Қирғизистон рӯзи 2 март ба имзо расидааст.

“Яъне, ин қарордодҳо бо Қирғизистон ва Тоҷикистон қабл аз шиддат гирифтани баҳсҳои марзӣ байни ин кишварҳо ба имзо расида буданд.

“Таъмини кумаки ҳарбӣ-техникӣ ба ин кишварҳо ба қасди тезондани баҳсҳои марзӣ байни Қирғизистон ва Тоҷикистон нест. Ин созишномаҳо бо назардошти тибқи нақша хуруҷи нерӯҳи низомии хориҷӣ аз Афғонистон сурат гирифтааст.

Илова бар ин, интиқоли таҷҳизоти ҳарбӣ-техникӣ ба Қирғизистон ва Тоҷикистон танҳо пас аз ба даст овардани созишҳо дар бораи ҳалли зиддиятҳои мавҷуда ва ба эътидол овардани вазъ сурат мегирад”, – афзуд Хадамоти матбуоти Вазорати мудофиаи Қазоқистон.

Ҳамзамон Вазорати мудофиаи Тоҷикистон низ ба имзо расидани созишномаи ҳарбӣ-техникиро байни Тоҷикистону Қазоқистон тасдиқ карда, аммо гуфта, ки то ҳол ин кумакро дастрас накардааст.

Фаридун Маҳмадалиев, сухангӯи Вазорати дифои Тоҷикистон ба “Sputnik” гуфт: “Созишнома дар бораи кӯмаки низомӣ воқеан имзо шуда, аммо то ба ҳол дар амал татбиқ нашудааст ва мо ин кӯмакро ба даст наовардаем. Ин кӯмак ба хотири пурзӯр кардани марзҳои Ҷумҳурии Тоҷикистон бо Ҷумҳурии Афғонистон аст”.

Хабарро таблиғ кунед:

БЕШТАР БИХОНЕД
БЕШТАР БИХОНЕД

Ҷузъиёти боздошти Сулаймон Давлатов аз забони вакили дифоаш

Сабаби боздошти Сулаймон Давлатов, яке аз фаъолони сиёсӣ ва паноҳанда дар Литва, ки рӯзи ҷумъаи гузашта боздошт шуда буд, маълум шуд.

Навори нави чор гумонбари ҳамла ба “Крокус”

Хадамоти федералии амнияти Русия навори ыадиде аз бозпурсии чаҳор гумонбари ҳамлаи террористӣ ба "Крокус Сити Ҳолл"-и Красногорскро нашр кард.

То 600 сомонӣ ҷарима барои идгардаки кӯдакон дар Тоҷикистон

Вазорати маориф ва илми Ҷумҳурии Тоҷикистон бо судури қароре идгардакро дар рӯзи иди Рамазон барои кӯдакони боғча то донишомӯзони мактабу донишҷӯён мамнуъ эълон кад.

Боздошти Сулаймон Давлатов дар Литва

Мақомоти Литва Сулаймон Давлатов, як фаъоли сиёсии тоҷик ва паноҳанда дар ин кишварро боздошт кард.