Афғонистон

Ҳалокати беш аз 20 нафар бар асари зилзила дар Афғонистон

Расонаҳои Афғонистон хабар доданд, ки баъд аз зуҳри рӯзи 17-уми январ пайҳам ду зилзила, яке соати 14 ва дигаре соати 16:10 ба вақти маҳаллӣ вилоятҳои Ҳироту Боғдиси Афғонистонро такон дод.

Бар асари ин заминларза дар вилояти Боғдис 22 нафар ҷон бохта ва 4 нафари дигар захмӣ шудаанд. Зилзиласанҷон шиддатнокии онро 5,6 дараҷаи рехтерӣ ва дар умқи 18-километрии замин арзёбӣ кардаанд.

Расонаҳо мегӯянд, хонаҳои зиёде бар асари ин заминларза вайрону валангор шудааст. Аммо то ҳол на аз ҷониби Толибон ва на аз ниҳодҳои кумакрасони байналмилалӣ хисороти ба вуҷудомада пурра ҳисоб нашудааст.

Қаблан гуфта мешуд, ки бар асари ин зилзилаи шадид 12 нафар ҷони худро аз даст додааст ва эҳтимоли бештар шудани сафи ҳалок шудагон вуҷуд дорад.

Вилояти Боғдис дар ғарби Афғонистон ҷойгир буда, бо Туркманистон ҳаммарз аст.

Хонандагони азиз, лутфан, ҳар хабару гузоришеро, ки мушоҳида мекунед ва ё пешниҳоду суоле доред, метавонед онро ба мо, тариқи почтаи электронӣ, Telegram, WhatsApp, Viber ва Imo ба ин рақам:

Матолиби дигари Афғонистон

Тоҷикистон

Баргузории Конфронси амниятии Афғонистон дар Душанбе

Афғонистон

Рӯнамоӣ аз намоди Байтулмуқаддас дар Кобул

Афғонистон

Даргирии Толибон бо марзбонони Тоҷикистон

Афғонистон

Раҳбарони пешини Афғонистон хостори таҳқиқи қатлҳои ом шуданд