21.9 C
Dushanbe

Ҳамдардии Эмомалӣ Раҳмон ба Чин

Президенти Тоҷикистон бо ирсоли барқияи таслият ба ҳамтои чиниаш дар бораи суқути ҳавопаймо ба вай изҳори ҳамдардӣ кард.

Имрӯз, 22-юми марти соли 2022 Эмомалӣ Раҳмон ба Си Ҷинпин, Президенти Чин номаи таслият фиристод, ки дар он омадааст:

“Муҳтарам ҷаноби Раис, хабари суқути ҳавопаймои мусофирбар дар ҷануби Чин, ки боиси талафоти зиёди ҷонӣ гардид, моро сахт андуҳгин намуд. Дар ин лаҳзаҳои ҳузнангез ба Шумо ва ба ҳамаи наздикону пайвандони қурбониёни ин фоҷеа ҳамдардиву тасаллияти хешро изҳор менамоям”.

Гуфта мешавад, дирӯз, 21-уми марти соли ҷорӣ дар ҷанбу Чин як ҳайпаймои Боинг 737-и марбути ширкати “China Eastern Airlines” суқут кард, ки дар дохили он 123 мусофир ва 9 нафар хадамаи парвоз ҳузур дошт, ки касе аз онҳо зинда намонд.

Ин ҳавопаймо аз фурӯдгоҳи Кунминг ба самти Гуангжоу ҳаракат мекард ва дар шаҳри Вучжоуи ҷануби Чин суқут кард.

Мақомоти Чин пас аз суқути ҳавопаймо ба ҷои ходиса гурухи кории Хадамоти шаҳрвандии ҳавонавардии фиристоданд ва нисбат ба ин ҳодиса парвандаи ҷиноятӣ боз карда, сабабҳои суқути Боинги 737-ро таҳқиқ мекунанд.

Хабарро таблиғ кунед:

БЕШТАР БИХОНЕД
БЕШТАР БИХОНЕД

Боздошти се нафар бо иттиҳоми қаллобӣ дар Душанбе

Вазорати корҳои дохилии Тоҷикистон аз боздошти се нафаре хабар дод, ки ба иддаои ин ниҳод, онҳо бо роҳи фиреб додани мардум пулҳои калоне ба даст меовардаанд.

Марги се ҳоҷии тоҷик ҳангоми адои Ҳаҷ

Се нафар аз зоирони тоҷикистонӣ ҳангоми адои фаризаи Ҳаҷ дар Арабистони Саудӣ вафот кардаанд.

Дар ду рӯз 3 кӯдаки ноболиғ ғарқ шуд, кӣ гунаҳкор аст?

Рӯзҳои 16 ва 17-уми июни соли ҷорӣ дар Тоҷикистон се кӯдаки ноболиғ ғарқ шуданд, ки хурдтарини онҳо якунимсола буд.

Дар Русия пулис ҳам метавонад муҳоҷиронро ихроҷ кунад

Аз ин ба баъд пулиси Русия метавонад шаҳрвандони хориҷие, ки даст ба қонуншиканӣ задаанд, бидуни қарори додгоҳ аз Русия ихроҷ кунанд.