25.9 C
Dushanbe

Ҳизбҳои сиёсӣ аз ҷониби мардум сармоягузорӣ мешаванд

Акси марбута аз azattyk.org

Шаҳрвандони Қирғизистон ҳуқуқи қонунии сармоягузории ҳизбҳои сиёсиро пайдо кардаанд. Ҳамакнун бо шарофати шаҳрвандони оддӣ намояндагони ҳизбҳову ҳаракатҳо имкони иштирок дар интихоботҳои порлумониро пайдо карданд.

Танҳо дар давоми 20 рӯз ҳизби “Ислоҳот”-и Қирғизистон 65 ҳазор доллар ҷамъ овардааст, ки барои ҳизб ин маблағ қобили мулоҳиза аст ва онро на сарватмандон ва на мансабдорон ба ҳизб додаанд. Ҳизбе, ки дар сафаш сарватманде надорад, акнун яке аз ҳизбҳои маъруфи Қирғизистон ба шумор меравад. Фаъолон, рӯзноманигорон, омӯзгорон, барномасозони компютерӣ ва ҳатто ровиҳои барномаҳои тафреҳӣ гирди ҳам омада, ҳизб таъсис доданд.

Ин барои бори аввал дар таърихи Қирғизистон аст, ки ҳизбҳои сиёсӣ иҷозат ёфтанд,барои пардохти гарави интихоботӣ аз шаҳрвандон ёрӣ бигиранд.

То ин дам дар Қирғизистон ҳизби бесармоя, аммо соҳиби мавқеъро чандон ҷиддӣ намегирифтанд. Вақте фаъолони ҳизб эълом карданд, ки барои пардохти гарави интихоботӣ маблағ ҷамъ меоранд, кам касоне бовар доштанд, ки қирғизистониҳо омодаи расонидани кӯмаки моддӣ ба сиёсат ҳастанд.

Аммо дар давоми чанд ҳафта ҳизби “Ислоҳот” қариб 65 ҳазор доллар ҷамъ овард. Ному насаби сармоягузорони ҳизб дар сомонаи он нашр шудааст.

Ба назари коршиносон такрори таҷрибаи Қирғизистон дар Тоҷикистон, ки як кишвари диктотурӣ ва худкома аст баъид ба назар мерасад. Зеро ин кишвар ва раҳбарияти он пайваста талош кардааст, ки аҳзоби дигарандешро аз мушорикат дар маъракаҳои сиёсӣ ва идораи кишвар дур нигоҳ дорад.Барои мисол яке аз далоиле, ки ҲСДТ дар интихоботи раёсати ҷумҳурии пеширӯ ширкат накард, маҳз ҳамин гарави интихоботӣ аст. Ин ҳам дар ҳоле аст ки аҳзоби бозанда аз гарави интихоботии гузоштаашон ҳам маҳрум мешаванд. Коршиносон ва таҳлилагрон иқдоми давлати Қирғизистон барои иҷозат додани сармоягузории аҳолӣ барои аҳзобро  мусбат арзёбӣ мекунанд.

Хабарро таблиғ кунед:

БЕШТАР БИХОНЕД
БЕШТАР БИХОНЕД

Тоҷикистон: 8 миллиард барои обу ҳаво

Кумитаи ҳифзи муҳити зисти Тоҷикистон ва Бонки Осиёии Рушд...

Боздошти Шокирҷон Ҳакимов, муовини раиси ҲСДТ

Шокирҷон Ҳакимов, муовини якуми раиси Ҳизби сотсиал-демократи Тоҷикисон аз...

Боздошти марди 59-солаи тоҷикистонӣ дар Олмон ба иттиҳоми қатли ҳамсар

Мақомоти олмонӣ як марди 59-солаи тоҷикистониро бо иттиҳоми қатли ҳамсараш боздошт кардаанд.

Баъди латукӯби сарбоз раиси суди ноҳияи Шамсиддин Шоҳин аз вазифа барканор шуд

Раиси суди ноҳияи Шамсиддин Шоҳини вилояти Хатлон, ки як сарбозро латукӯб карда буд, аз вазифа барканор шуд.