Рӯзи 15 сентябр хабаргузории “Интерфакс” аз манбаи огоҳаш, аз Ҳукумати Русия хабар дод, ки масъалаи парвоҳзо байни Русия ва кишварҳои Иттиҳоди давлатҳои мустақил мавриди баррасӣ қарор дорад.
Ба навиштаи ин хабаргузорӣ моҳи октябр парвозҳо аз нав оғоз мегардад. “Интерфакс” навиштааст, дар аввал парвозҳо байни пойтахтҳои кишварҳои ИДМ Нур-Султон, Тошканд, Боку, Ераван, Душанбе буда, пасон ба дигар минтақаҳо оғоз хоҳан шуд, вале қарори ниҳоиро Ситоди мубориза бо каронавирус хоҳад гирифт.
Чанде қабл мақомоти Тоҷикистон гуфта буданд, барои оғози парвозҳо ба шаҳрҳои Русия гуфту шунид идома дорад, вале Русия ҳанӯз тасмими ниҳоӣ барои оғози парвозҳоро эълон накардааст.
Тоҷикистон аз 15 август то 15 сентябр парвозҳои чартериро бо Русия роҳдандозӣ карда буд, ки муҳоҷирон аз гаронии нархи билетҳо шикоят мекарданд. Гуфта мешуд, нафарони намояндагони сафорати Тоҷикистон дар Русия чиптаҳоро арзон харидорӣ намуда, бо нархи гарон ба муҳоҷирон мефурӯхтанд.
Хонандагони азиз, лутфан, ҳар хабару гузоришеро, ки мушоҳида мекунед ва ё пешниҳоду суоле доред, метавонед онро ба мо, тариқи почтаи электронӣ, Telegram, WhatsApp , Viber ва Imo ба ин рақам: +48519767404 бифиристед.