-4.6 C
Dushanbe

Хутбаи Ширин Амонзода ба муҳоҷирони тоҷик дар Русия

Намояндагии Вазорати меҳнат, муҳоҷират ва шуғли аҳолии Тоҷикистон дар Русия ба муҳоҷирони кории тоҷик тавсия додааст, ки тибқи қоидаҳои шариати исломӣ назм ва назофатро риоя кунанд.

Сурат: migrantocenter.ru

Намояндаи Ширин Амонзода, вазири меҳнат, муҳоҷират ва шуғли аҳолии Тоҷикистон дар Русия ба муҳоҷирони кории тоҷик тавсия додааст:

“Агар шумо муйлаб ва риш мондаед, тибқи қоидаҳои шариати Ислом бояд ҳар рӯз онро тозаю покиза нигоҳ дореду тарзе онро нигоҳубин намоед, ки атрофиён аз шумо тарс надошта бошанд.”

Намояндагии Вазорати меҳнат, муҳоҷират ва шуғли аҳолии Тоҷикистон ба муҳоҷирони кории тоҷик таъкид мекунад: “Намозро дар ҷойҳои ҷамъиятие, ки қонунгузории Федератсияи Россия муайян намудааст, адо намоед. Дар ҷойҳое, ки хондани намоз манъ карда шудааст бояд дар он ҷой намоз нагузоред.”

Илова бар ин, ба муҳоҷирони меҳнатӣ инчунин тавсия дода, ки пас аз кор ба китобхонаҳо, театрҳо, осорхонаҳои ин кишвар рафта фарҳанг, таърих, забони мардуми русро биомӯзанд ва онро эҳтиром кунанд. Ва агар имконпазир аст, ба донишгоҳҳои Русия ғоибона дохил шаванд.

Ҳамзамон намояндагӣ таъкид мекунад, ки шабакаҳои иҷтимоиро бо эҳтиёт ва самарнок истифода намоянд, “аз тамошои ролику барномаҳои характери ифротиву иртиҷоидошта ва ғайриманфиатнок худдорӣ намуда, қимматарин арзиши инсониӣ – вақти худро сарфа накунед.”

Намояндагии Вазорати меҳнат, муҳоҷират ва шуғли аҳолӣ дар Маскав муҳоҷирони кории тоҷикро ба касбомӯзӣ, хондан дар донишгоҳҳои олӣ ва рафтан ба театру дигар ҷойҳои фарҳангӣ ва фароғатӣ бо пул ва имконоти худи муҳоҷирон тарғиб карда, насиҳат кардааст:

“Агар дар марказҳои дилхӯшӣ шароб нӯшидед ва ё хоҳиши тамоку кашидан доред, пас бояд донед, ки дар ҷойҳои ҷамъиятӣ нӯшидан ва истифода бурдани онҳо манъ мебошад.”

Дар охир намояндагии Вазорати меҳнати Тоҷикистон ба муҳоҷирони тоҷик дар Русия мерасонад, ки дар сурати пайдо шудани суол ва ё мушкилоти дигаре ба ин Намояндагӣ муроҷиат кунанд.

Хабарро таблиғ кунед:

БЕШТАР БИХОНЕД
БЕШТАР БИХОНЕД

Марги як шаҳрванди Тоҷикистон дар Олмон

Як муҳоҷири 45-солаи шаҳрванди Тоҷикистон, ки дар Олмон кору зиндагӣ мекард, аз дунё даргузаштааст.

Шаҳбоз Шариф дубора Нахуствазир шуд

Шаҳбоз Шариф, бародари Муҳаммад Навоз Шариф дубора Нахуствазири Покистон интихоб шуд.

Боз 3 кӯдаки дигар аз дуди оташ заҳролуд шуда, ҷон бохтанд

Рӯзи 2-уми марти соли ҷорӣ 3 кӯдаки ноболиғ дар шаҳри Душанбе бар асари оташ гирифтани хона ҷон бохтанд.

Муфтиёти Тоҷикистон оғози моҳи Рамазонро эълон кард

Шӯрои улами Маркази исломии Тоҷикистон дар ҳамкорӣ бо Институти Астрофизикаи Академияи миллии илмҳои Тоҷикистон оғози моҳи Рамазонро муайян карданд.