32.9 C
Dushanbe

Кобул: Фурӯши дороиҳои қарздорон барои пардохти қарзи барқ

Ширкати энержии “Брешно”-и Афғонистон ният дорад амволи мансабдорони ҳукумати барканоршударо барои пардохти қарзи барқ фурӯшад.

Бино ба иттилои  “ToloNews“, дар ин бора рӯзи чаҳоршанбе директори аз ҷониби “Толибон” тайъин шудаи ин ширкат Сафиуллоҳ Аҳмадзай хабар додааст.

Ба гуфтаи Сафиуллоҳ Аҳмадзай, пас аз анҷом ва тасдиқ ёфтани чораҳои пешниҳодшуда аз ҷониби ҳукумати муваққат, ширкат ба фурӯши амволи қарздорон ва мансабдороне, ки Афғонистонро тарк кардаанд, оғоз мекунад.

Аммо ба назари собиқ директори ширкати энержии “Брешно” Амонуллоҳ Ғолиб, ин чораи пешниҳодшуда метавонад мушкилоти мавҷударо танҳо дар муддати кӯтоҳ ҳал кунад.

Рӯзи 5-уми октябр Ширкати энержии “Брешно”-и Афғонистон иттилоъ дод, ки қарзи Афғонистон назди кишварҳои ҳамсоя барои нерӯи барқ ​​тақрибан ба 62 миллион доллар расидааст.

Дар хабар гуфта мешуд, ки ширкати “Брешно”-и Афғонистон ба кишварҳои ҳамсояи содиркунандаи барқ ​​- Узбекистон, Тоҷикистон, Туркманистон ва Эрон нома фиристода ваъда додааст, ки қарзро пардохт мекунад ва аз онҳо хостааст, ки барқро хомӯш накунанд.

Ҳамчунин ин ширкат ба Миссияи кӯмаки СММ дар Афғонистон муроҷиат карда буд, то дар пардохти қарз ба онҳо кӯмак расонанд. Дар изҳороти ширкати “Брешно” қайд карда мешуд, ки дар сурати кӯмак пайдо накардан, ширкат маҷбур мешавад барои пардохти пул “ба афғонҳое фишор оварад, ки пули истифодаи барқи худро надодаанд, ҳатто агар имкон надоранд”

Дар ҳамин ҳол, президенти Узбекистон Шавкат Мирзиёев ва ҳамтои туркманаш Қурбонгулӣ Бердимуҳаммадов рӯзи сешанбе гуфтанд, ки ҳар ду кишвар кумак, аз ҷумла интиқоли барқро ба Афғонистон идома хоҳанд дод.

Ҳамчунин котиби матбуотии ширкати “Барқи тоҷик” Нозир Ёдгорӣ низ таъкид кард, ки Душанбе бо вуҷуди қарз интиқоли барқ ​​ба Афғонистонро дар зимистон қатъ намекунад.

Хабарро таблиғ кунед:

БЕШТАР БИХОНЕД
БЕШТАР БИХОНЕД

“Гурӯҳи 24” рафтори мақомоти рус ва беамалии мақомоти тоҷикро маҳкум кард

Ҳаракати сиёсии “Гурӯҳи 24” бо нашри изҳороте рейду боздошт ва латтукӯби муҳоҷиронро дар шаҳру ноҳияҳои Русия муносибати ғайриинсонӣ ва бераҳмонаи мақомоти давлатии ин кишвар номид.

Шикояти вакилони дифоъи Хуршед Фозилов

Вакилони дифои рӯзноманигори зиндонӣ Хуршед Фозилов аз болои ҳукми Додгоҳи Панҷакент ба Додгоҳи вилояти Суғд шикоят бурдаанд.  

Латтукӯби муҳоҷирон ва ба маконҳои номаълум бурдани онҳо идома дорад

Чанд рӯзи ахир боздошт ва латтукӯби муҳоҷирон, бахусус муҳоҷирони тоҷик аз ҷониби нерӯҳои амниятӣ ва интизомии Русия бештар шудааст.

Рафту омад дар роҳи Душанбе-Хуҷанд маҳдуд шуд

Шуруъ аз имрӯз, 1-уми июни соли ҷорӣ дар шоҳроҳи Душанбе-Чаноқ барои рафту омади мошинҳо маҳдудият ҷорӣ шудааст.