Корманди корхонаи давлатӣ бо иттиҳоми тамаъҷӯӣ боздошт шуд

Корманди шӯъбаи сабти техникии Корхонаи давлатии фаръии “Бақайдгирии молу мулки ғайриманқул” дар шаҳри Ваҳдат барои гирифтани мукофот бо роҳи тамаъҷӯӣ гумонбар дониста мешавад.

Тибқи иттилои маркази матбуоти Агентии назорати давлатии молиявӣ ва мубориза бо коррупсия дар ҶТ, дар ин ҷиноят шаҳрванд Абдулхайров Искандар Раҷабалиевич гумонбар дониста мешавад.

Гуфта мешавад, ки Абдулхайров корманди ин муассисаи давлатӣ дар моҳҳои сентябр-октябри соли 2020, аз сокини Ваҳдат Ҳ.Саидмуродов барои додани шиносномаи техникӣ барои манзил 3 ҳазор сомонӣ талаб намуда, гирифтааст.

Нисбати Искандар Абдулхайров бар асоси моддаи 324 (Гирифтани мукофот бо роҳи тамаъҷӯӣ) -и Кодекси ҷиноятии Ҷумҳурии Тоҷикистон парвандаи ҷиноятӣ оғоз карда шуда, пас аз тафтишот суд равон карда шудааст.

Хонандагони азиз, лутфан, ҳар хабару гузоришеро, ки мушоҳида мекунед ва ё пешниҳоду суоле доред, метавонед онро ба мо, тариқи почтаи электронӣ, Telegram, WhatsApp , Viber ва Imo ба ин рақам: +48519767404 бифиристед.