17.9 C
Dushanbe

Ҳар сол беш аз 50 ҷавон дар Маркази барқу гармидиҳии-2 корро тарк мекунанд

Сафаров Халил, яке аз корбарони Фейсбук навишта, ки ҳар сол зиёда аз 50 коргари Маркази барқу гармидиҳии-2-и шаҳри Душанбе ба сабаби нагирифтани маошҳояшон корпартоӣ мекунанд.

Ба иддаои ин корбар, ки зоҳиран худаш корманди ин Марказ аст, маоши кормандони чинӣ 10 ҳазор сомонӣ аст ва сари вақт онро мегиранд, аммо маоши мутахассисони тоҷик 2700 сомонӣ аст, вале онро ду моҳ пас мегиранд.

Ӯ мегӯяд, моҳи актябр қариб ба охир мерасад, вале то ҳол маоши моҳи сентябрашро нагирифтааст.

“Дар шаҳри Душанбе корхонае ҳаст бо номи Маркази барқу гармидиҳии-2, ки шаҳрро қариб пурра бо нерӯи барқ ва гармӣ таъмин мекунад. Зиёда аз 80%-и коргаронаш ҷавонон ташкил медиҳад. Ҳар сол аз ин корхона зиёда аз 50 нафар корпартои намуда ба ФР ва дигар давлатҳо мераванд.”, мегӯяд Сафаров Халил.

Ин корбар сабабҳои асосии корпартоии ҷавононро чунин шарҳ додааст:

1. Музди маоши кам ва талаботи бисёр;

Кормандони хитои-10 000 с

Кормандони тоҷик-2700 с

2. Сари вақт напардохтани музди меҳнатӣ

(Имрӯз 19 октябр маоши моҳи сентябр пардохт нашудааст).

3. Муносибати бади роҳбарият бо кормандон.

4. Набудани шароит дар ҷои кор барои кормандони тоҷик

5. Хешутаборбозира намегӯем.

Ин корбар дар охир аз масъулини Вазорати энергетика ва ширкати “Барқи тоҷик” хоста, ки пеши роҳи ин бемасъулиятҳоро бигиранд, то мутахассисони худӣ ҳама аз Ватан фирор накунанд.

“Мӯҳтарам масъулин (Вазорати энергетика, Ширкати Барқи тоҷик) медонем парвои ин ҷавонон надоред, лекин то кай пули калон ба хитоиҳо дода онҳоро нигоҳ медоред? Агар ҳамихел рафтан гирад мутахассисони хуб тарки Ватан мекунанд.”, менависад Сафаров.

Дар зери ин пост даҳҳо шарҳ навишта шуда, ҳатто онҳое, ки қаблан дар ин Маркази барқу гармидиҳии-2 солҳои пеш фаъолият кардаанд, гуфтаҳои Сафаровро тасдиқ карда, аз камии маоши матахассисони тоҷику зиёд будани маоши шаҳрвандони Чин, бадрафтории масъулон, хешутаборбозиву фасод дар ин Марказ интиқод кардаанд.

Ба назар мерасад, солҳои охир таъхир дар маоши кормандону бадрафторӣ нисбати онҳо на танҳо дар ё як ду муассиса ва ниҳодҳои давлатӣ, балки дар даҳҳо идораву корхонаҳо вуҷуд дорад, ки ҳамеша кормандон дар шабакаҳои иҷтимоӣ аз он шикоят мекунанд. Вале мақомоти дахлдор барои рафъи ин мушкилот иқдоме намекунанд.

Хабарро таблиғ кунед:

БЕШТАР БИХОНЕД
БЕШТАР БИХОНЕД

Сарвати пурасрор: Ҳамсари сарвазири Тоҷикистон дар Дубай қасрҳои боҳашамат харидааст

Сарвазири Тоҷикистон ва ҳамсараш ба суолҳо дар бораи он ки чӣ гуна тавонистааст дар кишвари худ ва Имороти Муттаҳидаи Арабӣ соҳиби амволи ғайриманқул шавад, посух надод.

Вазъи муҳоҷирони тоҷик дар Русия беҳтар мешавад?

Владимир Колоколтсев, вазири корҳои дохилии Русия дар пасманзари ҳодисаи хунин дар "Крокус" ба Тоҷикистон омад.

Баррасии масоили иқтисодии Тоҷикистону Туркия

Нишасти навбатии Комиссияи муштараки иқтисодии Тоҷикистон ва Туркия бо ҳузури намояндаҳои ду кишвар баргузор шуд.

Афзоиши шумори Қурбониёни ҳамлаҳои Исроил дар Ғазза

Субҳи рӯзи 28-уми май нерӯҳои исроилӣ урдугоҳҳои оварагон дар қисмати ғарбии шаҳри Рафаҳро ба шиддат бомборон карданд, ки дар натиҷа 16 нафар кушта ва даҳҳо каси дигар маҷруҳ шудаст.