33.9 C
Dushanbe

Кумаки бебозгашти навбатии Бонки ҷахонӣ ба Тоҷикистон

Маркази матбуотии Вазорати молияи Тоҷикистон иттилоъ дод, ки Бонки ҷахонӣ барои амалисозии як қатор лоиҳаҳо ба Тоҷикистон кумаки молии бебозгашт мекунад.

Маблағҳо дар доираи тавофуқномаҳои имзошуда оид ба муосирсозии омори миллӣ, такмили идоракунии молияи давлатӣ, электриконидани деҳаҳо ва мутобиқшавӣ ба тағйирёбии иқлим ҷудо карда мешаванд.

Санадҳоро Файзиддин Каҳҳорзода, вазири молияи Тоҷикистон ва Ян Питер Олтерс, намояндаи доимии Боки ҷаҳонӣ дар Тоҷикистон ба имзо расониданд.

Ба нақл аз “Спутник”, дар маҷмӯъ Бонки ҷаҳонӣ ба Тоҷикистон 35 миллион доллар кумаки ройгон мекунад.

Аз ҷумла 10 миллион доллар ҷиҳати бозсозии системаи омори миллӣ ва электронидании нуқтаҳои аҳолинишин, 9 миллион доллар барои амалисозии барномаи мутобиқсозии тағйирёбии иқлим дар ҳавзаи баҳри Арал ва 6 миллион доллар барои татбиқи лоиҳаи идоракунии молияи давлатӣ.

Ёдовар мешавем, ки Бонки ҷаҳонӣ дар ҳоли ҳозир 21 лоиҳаро дар Тоҷикистон ба маблағи умумӣ 1,1 миллиард доллар маблағгузорӣ мекунад.

Хабарро таблиғ кунед:

БЕШТАР БИХОНЕД
БЕШТАР БИХОНЕД

Мулоқоти Раҳмонов ва Пизишкиён дар Озарбойҷон

Раисҷумҳури худкомаи Тоҷикистон Эмомалӣ Раҳмон бо Президенти Эрон Масъуди Пизишкиён мулоқот кард.

Гармои шадид дар Тоҷикистон сокинонро нигарон кардааст

Рӯзҳои ахир шиддати гармои тобистонӣ дар Тоҷикистон аксари сокинонро нигарон кардааст.

Имомуддин Сатторов сафири Тоҷикистон дар Лаҳистон шуд

Сафири Фавқулода ва Мухтори Ҷумҳурии Тоҷикистон дар Олмон ва Лаҳистон Имомуддин Сатторов эътимодномаи худро ба Президенти Лаҳистон Анджей Дуда супорид.

Толибонро аввалин кишвари дунё расман эътироф кард

Пас аз чор соли ба сари қудрат расидани Толибон дар Афғонистон Русия аввалин кишваре шуд, ки ҳукумати сарпарастро ба расмият шинохт.