Сандуқи ҳимоят аз кӯдакони Созмони Милали Муттаҳид ва давлати Швейтсария ба Вазорати тандурустӣ ва ҳифзи иҷтимоии аҳолии Тоҷикистон 50 ҳазор доллар таҷҳизоти пизишкӣ барои муқобила бо коронавирус ирсол кардаанд.
Бино ба иттилои хабаргузории “Форс”, бахши умдаи ин кумакҳои башардӯстона шомили 6 ҳазору 840 дона либоси муҳофизатӣ, 10 ҳазор ҷуфт дастпӯши беҳдоштӣ, 3 ҳазору 900 адад ниқобӣ тиббӣ, 200 ҷуфт чакмаи зидди об ва маҳлулҳои тамизкунанда будааст.
Ҳамчунин дар идома гуфта шудааст, ки намояндаи СММ дар Душанбе дар як баёнияе эълом кардааст, ки барои баланд бардоштани сатҳи фаҳмиши шаҳрвандони Тоҷикистон аз хатари коронавирус, маводи таблиғотии бештар дар байни ҷомеа мунташир карда мешавад.
Ин бори аввал нест, ки кишварҳо ва созмонҳои хориҷӣ ба Тоҷикистон ба хотири мубориза бо коронаврус кӯмак мерасонад.
Аз оғози хуруҷи коронавирус чандин кишварҳо аз ҷумла Олмон, Амрико Русия, Туркия, Чин, Узбекистон ва дигар кишварҳо кӯмак карданд.
