19.9 C
Dushanbe

Кумаки Тоҷикистон ба Туркия

Тоҷикистон тасмим гирифтааст, ки барои зарардидаҳои заминларзаи ахири Туркия кумак кунад.

Субҳи имрӯз, 7-уми феврали соли 2023, Кумитаи ҳолатҳои фавқулъода ва мудофиаи граждании назди Ҳукумати Тоҷикистон хабар дод, ки “Тоҷикистон барои кумак ба зилзилазадагони Туркия як гурӯҳи наҷот мефиристад!”

Пеш аз ин Президенти Тоҷикистон бо ирсоли ду барқия ба ҳамтоёнаш дар Сурия ва Туркия ба наздикону пайвандони қурбониёни ин ҳодисаҳои ғамангез изҳори тасаллият карда ва ба маҷруҳон ва мардумони зардида шифои комил хоста буд. Аммо дар бораи ирсоли кумакҳо чизе нагуфта буд.

Дар вақте ин хабар таҳия мешуд, Вазорати корҳои хориҷии Тоҷикистон низ иттилоъ дод, ки субҳи имрӯз Сироҷиддин Муҳриддин сафири фавқулъолда ва мухтори Турияро дар Душанберо ба ҳузур пазируфта, бори дигар изҳори ҳамдарӣ кардааст.

Ба қавли манбаъ, дар ин мулоқот, ки Раиси Кумитаи ҳолатҳои фавқулъода ва мудофиаи граждании Тоҷикистон низ ҳузур “аз омодагии Ҳукумати Ҷумҳурии Тоҷикистон ҷиҳати сафарбар намудани гурӯҳи ҳирфаии ҷустуҷуӣ-наҷотдиҳии Кумитаи ҳолатҳои фавқулодда ва мудофиаи граждании назди Ҳукумати Ҷумҳурии Тоҷикистон барои бартарафсозии оқибатҳои заминларзаи мазкур, инчунин расонидани кумаки башардӯстона иборат аз маводи аввалияи зарурӣ” хабар дод.

Гуфта мешавад, тибқи охирин оморҳои расмӣ дар натиҷаи ин заминҷунбиҳои субҳи дирӯз дар Тукря ва Сурия дасти панҷ ҳазор нафар қурбон шуда, беш аз 15 ҳазори дигар маҷруҳ шудааст.

Созмони ҷаҳонии беҳдошт низ имрӯз эълон кард, ки эҳтимол меравад, шумори қурбониёни ин ҳодиса то 20 ҳазор нафар афзоиш ёбад. Корҳои наҷотдиҳӣ идома дорад ва боридани барфу боронҳои зиёд то андозае кори гурӯҳҳои наҷотро мушкил кардааст.

Хабарро таблиғ кунед:

БЕШТАР БИХОНЕД
БЕШТАР БИХОНЕД

Сомон Маҳмадбеков қаҳрамони Бозиҳои Осиё

Варзишкори хушноми тоҷик Сомон Маҳмадбеков дар Чин қаҳрамони Бозиҳои тобистонаи осиёӣ шуд.

Боздошти писари ректори Донишгоҳи славянӣ

Пулиси шаҳри Душанбе Файзулло Комёб Машраби 18-cола ва Аҳтамзода Оятулло Хушбахти 19-cоларо боздошт кардааст. 

Сафари Эрдуғон ба Нахҷавон

Пас аз тасарруфи минтақаи Қарабоғи Кӯҳӣ Раҷаб Тайиб Эрдуғон нахустин раисҷумҳурест, ки бо сафари расмӣ вориди Озарбойҷон шудааст.

Кӯчаҳои пур аз партови шаҳри Хуҷанд

Сокинони шаҳри Хуҷанд аз бемасъулиятии масъулон дар робита ба тозакорӣ ва таъмири вайронаҳои ин шаҳр шикоят доранд.