21.9 C
Dushanbe

Кумакхоҳии Тоҷикистон аз Бонки ҷаҳонӣ ва Сандуқи ҷаҳонии пул

Вазорати корҳои хориҷаи Тоҷикистон бо ҳайати коршиносони Бонки ҷаҳонӣ мулоқот кард.

Бино ба иттилои сомонаи ВКХ, 6-уми октябр мулоқот бо иштироки муовини Вазир Шараф Шерализода ва ҳайати коршиносони Бонки ҷаҳонӣ дар шаҳри Душанбе баргузор гардид.

Ҷонибҳо дар ин мулоқот доир ба робитаҳои Тоҷикистон бо Бонки ҷаҳонӣ, таҳкими самтҳои он ва татбиқи лоиҳаҳои муштарак бо дарназардошти вазъи минтақа гуфтугӯ карданд.

Гуфтанист, ҳайати коршиносони Бонки ҷаҳонӣ аз 22-юми сентябр то 8-уми октябри соли ҷорӣ бо сафари корӣ дар Душанбе қарор дорад.

Ҳамчунин рӯзи 5-уми октябр Вазири рушди иқтисод ва савдо Завқизода Завқӣ Амин бо Директори иҷроияи Гурӯҳи Бонки Ҷаҳонӣ оид ба Тоҷикистон Катаржина Зайдел ва Директори иҷроияи Хазинаи Байналмилалии Асъор Пиотр Трабинский оид ба Тоҷикистон мулоқот анҷом дод.

Дар ин мулоқот ҷониби Тоҷикистон аз Бонки Ҷаҳонӣ ва Сандуқи Байналиилалии Пул хоҳиш кардааст, ки барои афзоиши дастгирии молӣ ба соҳаҳои иқтисоди миллӣ мусоидат намоянд.

Бонки ҷаҳонӣ дар ҳоли ҳозир 21 лоиҳаро дар Тоҷикистон ба маблағи умумӣ 1,1 миллиард доллар маблағгузорӣ мекунад.

Хабарро таблиғ кунед:

БЕШТАР БИХОНЕД
БЕШТАР БИХОНЕД

Боздошти ду тоҷикистонӣ бо гумони ба асорат гирифтани ҳамватани худ

Мақомоти Русия хабар доданд, ки ду шаҳрванди Ҷумҳурии Тоҷикистон бо гумони ба асорат гирифтан ва латтукӯби як ҳамватани худ боздошт шудаанд.

Русия мехоҳад бештар хориҷиёнро ба ҷанги зидди Украина барад

Дар наздиктарин фурсат дар Русия қонуни наве қабул мешавад,...

Оё низоми таҳсили 12-сола метавонад сифати таҳсилро беҳтар кунад?

Вазорати маориф ва илми Ҷумҳурии Тоҷикистон масъалаи гузариш ба низоми таҳсили 12-соларо ҷорӣ карданӣ аст.

Чаро кишварҳои ҳамсоя афғонҳоро ихроҷ мекунанд?

Ба иттилои мақомоти Толибон, Эрон зарфи як моҳ беш аз 500 ҳазор муҳоҷири афғонистониро ихроҷ кардааст.