32.9 C
Dushanbe

Куштори 4 нафар аз як хонавода дар Ҷайҳун

Дар деҳаи Тарғоки ноҳияи Ҷайҳун (собиқ Қумсангир) субҳи рӯзи шанбе, чор узви як оила кушта шуданд, ки се нафари онҳо кӯдакон будаанд. Дар ин бора дар шӯъбаи корҳои дохилии ноҳия хабар додаанд, аммо манбаъ аз додани ҳар гуна шарҳ худдорӣ кардааст.

Гуфта мешавад, баъд аз ҳамлаи афроди номаълум, сарвари оила Аҳлиддин Маҳмадов бо 3 фарзандаш кушта шуда, зану духтараш ҷароҳатҳои вазнини ҷисмонӣ бардоштаанд.

Бино бар иттилои хабарҳо ҳамаи қурбониён аз қисмати сар бо табар ё ашёи монанд ба он зарба хӯрдаанд. Ба гуфтаи сокинони деҳаи Тарғок Аҳлиддин Маҳмадов ба деҳқонӣ машғул будааст.

Сухангӯи Вазорати корҳои дохилии Тоҷикистон низ ин хабарро тасдиқ кард ва гуфт, ки ҷузъиёти ҳодиса баъдтар ироа хоҳад шуд. Мақомот  таъкид намудааст, ки ҷустуҷӯи омилони ин ҷинояти мудҳиш идома дорад.

Дар сурати пайдо шудани маълумоти бештар “АздоТВ” онро ҳамрасонӣ хоҳад кард.

Хабарро таблиғ кунед:

БЕШТАР БИХОНЕД
БЕШТАР БИХОНЕД

“Гурӯҳи 24” рафтори мақомоти рус ва беамалии мақомоти тоҷикро маҳкум кард

Ҳаракати сиёсии “Гурӯҳи 24” бо нашри изҳороте рейду боздошт ва латтукӯби муҳоҷиронро дар шаҳру ноҳияҳои Русия муносибати ғайриинсонӣ ва бераҳмонаи мақомоти давлатии ин кишвар номид.

Шикояти вакилони дифоъи Хуршед Фозилов

Вакилони дифои рӯзноманигори зиндонӣ Хуршед Фозилов аз болои ҳукми Додгоҳи Панҷакент ба Додгоҳи вилояти Суғд шикоят бурдаанд.  

Латтукӯби муҳоҷирон ва ба маконҳои номаълум бурдани онҳо идома дорад

Чанд рӯзи ахир боздошт ва латтукӯби муҳоҷирон, бахусус муҳоҷирони тоҷик аз ҷониби нерӯҳои амниятӣ ва интизомии Русия бештар шудааст.

Рафту омад дар роҳи Душанбе-Хуҷанд маҳдуд шуд

Шуруъ аз имрӯз, 1-уми июни соли ҷорӣ дар шоҳроҳи Душанбе-Чаноқ барои рафту омади мошинҳо маҳдудият ҷорӣ шудааст.