26.9 C
Dushanbe

Лаҳистон: Боздошти 40 паноҳҷӯи афғон дар марз

6-июл сарҳадбонони Лаҳистон дар марз бо Беларус 40 нафар паноҳҷӯи Афғонистонро бо ҷурми убури ғайриқонунии сарҳад боздошт кардаанд.

Хадамоти марзбонии Лаҳистон (Straz Graniczna) бо интишори иттилоияе мегӯяд, дар минтақаи Подляскаи ин кишвар 40 нафар муҳоҷирро, ки дар байни онҳо 6 нафар кӯдак низ ҳузур дорад, бо далели убури ғайриқонунӣ аз марзи Беларус ба сарҳади Лаҳистон боздошт шуданд.

Дар ин иттилоия гуфта мешавад, посбонони посгоҳи Наревтсаи наздисарҳадӣ дар шаҳраки Babia Góra (powiat hajnowski), 19 шаҳрванди хориҷиро боздошт карданд, ки бо худ ягон ҳуҷҷат надоштанд. Ин 19 нафар аз қисмати сарҳадоти давлатӣ хуб муҳофизатнашуда маъруф ба “zieloną granicę” убур кардаанд.

Инчунин муайян карда шуд, ки боз 21 нафари дигар низ марзи Лаҳистонро ғайриқонунӣ убур кардаанд.

Дар умум ин 40 нафари дастгиршуда 21 мард, 13 зан ва 6 нафар кудакони ноболиғ ҳама шаҳрвандони Афғонистон мебошанд ва бо қарори Додгоҳ онҳоро дар (урдугоҳи бастаи хориҷиён) қароргоҳи гурезагон ҷойгир карданд – омадааст дар гузориш.

Ҳамасола аз ҷониби паноҳҷӯёни афғон тақрибан 300 то 700 нафар дархости паноҳандагӣ аз ин кишвар мекунанд ва ин рақам дар ҳоли афзоиш аст.

Лаҳистон бо 4 кишвари пасошӯравӣ – Украина, Беларус, Литва ва вилояти ҷазирақаламрави Калинингради Русия ҳамсарҳад буда, дар маҷмӯъ қариб 1300 километр марзи мустақими заминӣ дорад.

Хабарро таблиғ кунед:

БЕШТАР БИХОНЕД
БЕШТАР БИХОНЕД

Афзоиши муҳоҷирати тоҷикон ба ИМА

Сафорати Иёлати Муттаҳидаи Амрико дар Тоҷикистон мегӯяд, ки судури раводиди муҳоҷиратӣ барои тоҷикистониҳоро афзоиш додааст.

Нишасти Шӯрои олии иқтисодии Иттиҳоди Авруосиё

Эмомалӣ Раҳмон дар нишасти Шӯрои олии иқтисодии Иттиҳоди иқтисодии Авруосиё, ки ба ҳайси меҳмон даъват шуда буд, иштирок ва суханронӣ кард.

ВКД-и Тоҷикистон хостори таҳқиқи латтукӯби донишҷӯён шуд

Вазорати корҳои дохилаи Тоҷикистон бо ирсоли барқияе аз мақомоти Русия хостори таҳқиқи латтукӯби донишҷӯён ва "рейд"-и муҳоҷирони тоҷик шудааст.

Вазорат латтукӯби бераҳмонаи сарбозро рад кард, аммо шоҳидон чизи дигар мегӯянд

Вазорати мудофиаи Тоҷикистон бо нашри изҳороте хабари бераҳмона латтукӯб шудани сарбози қаторӣ Маҷидов Аслиддинро аз ҷониби ҳамхизматонаш беасос номид.