-3.1 C
Dushanbe

Лоиҳаи “CASA-1000″дар қаламрави Тоҷикистон дар ҳоли анҷомёбист

Файзалӣ Самиев, мудири бахши Тоҷикистонии лоиҳа энержии “CASA-1000” гуфт, ки то поёни соли 2022 бунёди лоиҳаи мазкур дар қаламрави Тоҷикистон ба итмом мерасад.

Тавре “Авеста” хабар дод, Самие охири ҳафтаи гузашта дар Душанбе дар мулоқот бо рӯзноманигорон гуфт: То охири сол мо нақша дорем, ки бунёди тамоми хатҳои барқро (дар доираи лоиҳаи CASA-1000) дар қаламрави кишварамон ба анҷом расонем“. Ӯ ҳамчунин таъкид кард, ки тақрибан тамоми корҳои сохтмонӣ лоиҳа дар ҳудуди Тоҷикистон анҷом ёфта, аз 5 то 7% корҳо боқӣ мондааст.

Ба гуфтаи ӯ, тамоми таҷҳизоти зарурӣ барои сохтмон пурра аз кишварҳои аврупоӣ, Шветсия, Русия, Чин, Ҳиндустон ва Туркия харидорӣ ва ба ҷумҳурӣ оварда шуда, аллакай 70% онҳо насб шудааст.

Самиев афзуд, ки то анҷоми насби бахше аз таҷҳизот ва ба кор андохтану озмоишҳо муддати кам мондааст, бидуни омодагии кишварҳои ширкаткунанда анҷом ва амалишавии ин тарҳ ғайриимкон аст.

“Айни замон лоиҳа дар Тоҷикистон, Қирғизистон ва Покистон амалӣ мешавад, вале дар Афғонистон бо сабаби авзои сиёсӣ ва тағйири қудрат, ки дар моҳи августи соли 2021 сурат гирифт, корҳо барои анҷоми лоиҳа боздошта шудааст”, – гуфт дод Самиев.

Ба гуфтаи Самиев, бунёди ин лоиҳа дар Қирғизистон, Афғонистон ва Покистон аз 50 то 60 дарсад анҷом ёфтааст. Кишварҳои иштироккунанда дар ин лоиҳа Тоҷикистон, Қирғизистон, Афғонистон ва Покистон мебошанд.

Гуфта мешавад, дарозии умумии хатҳои барқ ​​дар Тоҷикистон 280 километр, Афғонистон – 570 километр, Қирғизистон – 450 километр буда, як қисми ками он ба қаламрави Покистон рост меояд.

Ёдовар мешавем, дарозии умумии хатҳои лоиҳа 1227 километрро ташкил дода, арзиши кулли лоиҳа 1 миллиарду 86 миллион долларро ташкил медиҳад. Барои ин лоиҳа аз ҷониби Бонки Ҷаҳонӣ, Бонки исломии рушд, Бонки сармоягузории Аврупо ва Бонки аврупоии таҷдид ва рушд маблағ ҷудо шудааст.

Хабарро таблиғ кунед:

БЕШТАР БИХОНЕД
БЕШТАР БИХОНЕД

Марги як шаҳрванди Тоҷикистон дар Олмон

Як муҳоҷири 45-солаи шаҳрванди Тоҷикистон, ки дар Олмон кору зиндагӣ мекард, аз дунё даргузаштааст.

Шаҳбоз Шариф дубора Нахуствазир шуд

Шаҳбоз Шариф, бародари Муҳаммад Навоз Шариф дубора Нахуствазири Покистон интихоб шуд.

Боз 3 кӯдаки дигар аз дуди оташ заҳролуд шуда, ҷон бохтанд

Рӯзи 2-уми марти соли ҷорӣ 3 кӯдаки ноболиғ дар шаҳри Душанбе бар асари оташ гирифтани хона ҷон бохтанд.

Муфтиёти Тоҷикистон оғози моҳи Рамазонро эълон кард

Шӯрои улами Маркази исломии Тоҷикистон дар ҳамкорӣ бо Институти Астрофизикаи Академияи миллии илмҳои Тоҷикистон оғози моҳи Рамазонро муайян карданд.