26.9 C
Dushanbe

СПАД: Луканшеко гуфт, Раҳмонро наҷот диҳед!

Александр Лукашенко, Президенти Белорус аз сарони Созмони Паймони Аҳдномаи Дастаҷамъӣ (СПАД) хост, ки ба хотири пешгирӣ аз такрори ҳодисаҳои ҳаммонанди Қазоқистон дар Тоҷикистон амниятро таъмин кунанд.

Имрӯз Александр Лукашенко бо нигаронӣ аз эҳтимоли такрори ҳодисаҳои ҳамсони Қазоқистон дар Тоҷикистонро аз сарони кишварҳои узви ин созмон хост, ки барои тақвияти низом ва таъмини амнияти ҳукумати Эмомалӣ Раҳмон ба Тоҷикистон кумак кунанд.

Лукашенко гуфт, акнун фурсати хубе ҳаст, ки дар бораи Тоҷикистон суҳбат кунем: “Президенти Тоҷикистон (Эмомалӣ Раҳмон) солҳо боз аз мо кумаки низомӣ, пеш аз ҳама техникаи низомӣ талаб мекунад.” Мо бояд ин корро кунем.”

Вай такрори ҳодисаҳои шабеҳи Қазоқистонро на танҳо дар Тоҷикистон, балки дар Ӯзбекистон ва дигар кишварҳои пасошӯравӣ ҳам аз эҳтимол дур надонист.

Ин изҳори нигаронии Александр Лукашенко дар бораи ба хатар мувоҷеҳ шудани ҳамтои тоҷикаш Эмомалӣ Раҳмон дар ҳоле сурат гирифта, ки мақомоти Тоҷикистон бо баҳонаи таъмини амният ва ба танзим овардани тартиботи ҷамъиятӣ рӯз то рӯз сафи эътирозгаронро бештар мекунанд.

Аз ҷониби дигар ҳаводиси ахири Вилояти Мухтори Кӯҳистон Бадахшон ва таъсири он на танҳо дар дохили кишвар, балки дар хориҷ аз он ҳам раҳбарияти Тоҷикистонро нигарон кардааст.

Гуфта мешавад, Эмомалӣ Раҳмон, ки расман аз соли 1994 ба ин сӯ дар Тоҷикистон қудартро дар даст дорад, бо гузашти наздик ба се даҳа натавонистааст, ки мардумро ба ҷои кор таъмин кунад ва рифоҳи зиндагии онҳоро беҳтар намояд.

Хабарро таблиғ кунед:

БЕШТАР БИХОНЕД
БЕШТАР БИХОНЕД

Афзоиши муҳоҷирати тоҷикон ба ИМА

Сафорати Иёлати Муттаҳидаи Амрико дар Тоҷикистон мегӯяд, ки судури раводиди муҳоҷиратӣ барои тоҷикистониҳоро афзоиш додааст.

Нишасти Шӯрои олии иқтисодии Иттиҳоди Авруосиё

Эмомалӣ Раҳмон дар нишасти Шӯрои олии иқтисодии Иттиҳоди иқтисодии Авруосиё, ки ба ҳайси меҳмон даъват шуда буд, иштирок ва суханронӣ кард.

ВКД-и Тоҷикистон хостори таҳқиқи латтукӯби донишҷӯён шуд

Вазорати корҳои дохилаи Тоҷикистон бо ирсоли барқияе аз мақомоти Русия хостори таҳқиқи латтукӯби донишҷӯён ва "рейд"-и муҳоҷирони тоҷик шудааст.

Вазорат латтукӯби бераҳмонаи сарбозро рад кард, аммо шоҳидон чизи дигар мегӯянд

Вазорати мудофиаи Тоҷикистон бо нашри изҳороте хабари бераҳмона латтукӯб шудани сарбози қаторӣ Маҷидов Аслиддинро аз ҷониби ҳамхизматонаш беасос номид.