20.9 C
Dushanbe

Лукашенко бо ҳузури кам ва бе даъвати раисҷумҳурон маросими қасамёдкунияшро барпо кард

Акс: Газета.ру

Александр Лукашенко рӯзи 23-юми сентябр бо вуҷуди ин ҳама эътирозҳо ва интиқоди давлатҳои аврупоӣ, бори шашум ҳамчун президенти Белорус қасам ёд кард. Дар ин бора хабаргузории расмии “БелТа” хабар дод.

Ба навиштаи ин хабаргузорӣ қасамёдкунӣ дар Қасри Истиқлолият бо иштироки 700 корманди ҳукуматӣ баргузор гардидааст.

Маросими қасамёдкунии Лукашенко мавриди интиқоди мухолифин қарор гирифт. Мухолифин аз Лукашенко талаб доранд, ки ба истеъфо равад ва дар кишвар интихоботи наву озод ва одилона барпо шавад.

Аз ҷумла Светлана Тихановская, номзади мухолифин гуфт, ҳеч гоҳ ин пирӯзии тақаллубшударо эътироф намекунад ва аз мардум хост онро напазиранд. Расонаҳо аз он хабар медиҳанд, ки баъзе давлаҳо қасами Александр Лукашенкоро напазируфтаанд.

Дар интихоботи рӯзи 9-уми августи соли ҷорӣ Александр Лукашенко бо гирифтани 80 % овозҳо барандаи Интихобот эълон шуд. Ягона номзади мухолифин Светлана Тихановская натавонист президенти ин кишвар шавад. Тихановская натиҷаи интихоботро қабул надорад, баъди эълони натиҷаҳои интихобот ӯ ба КМИР шикоят бурд ва 7 соат нопадид шуд. Рӯзе баъд маълум гардид, ки Тихановская дар кишвари Литва паноҳ бурдааст.  

Баъд аз як рӯзи эълони натиҷаҳои интихобот дар Белорус мардуми зиёде ба кучаҳо рехтанду даст ба тазоҳурот заданд, ки ин эътирозҳо то ҳол идома доранд. Тазоҳургарон ба натиҷаҳои расмии овоздиҳӣ розӣ нестанд ва талаб доранд то Лукашенко аз сари қудрат биравад ва интихобот аз нав баргузор гардад. Дар ин муддат ҳазорҳо нафар боздошт гардида, тибқи хабарҳои расмӣ 2 нафар кушта шудааст. Аммо мухолифин мегуянд, кушта шудаҳо бештар аз онест, ки дар хабарҳои расмӣ гуфта мешавад.

Хабарро таблиғ кунед:

БЕШТАР БИХОНЕД
БЕШТАР БИХОНЕД

Боздошти се нафар бо иттиҳоми қаллобӣ дар Душанбе

Вазорати корҳои дохилии Тоҷикистон аз боздошти се нафаре хабар дод, ки ба иддаои ин ниҳод, онҳо бо роҳи фиреб додани мардум пулҳои калоне ба даст меовардаанд.

Марги се ҳоҷии тоҷик ҳангоми адои Ҳаҷ

Се нафар аз зоирони тоҷикистонӣ ҳангоми адои фаризаи Ҳаҷ дар Арабистони Саудӣ вафот кардаанд.

Дар ду рӯз 3 кӯдаки ноболиғ ғарқ шуд, кӣ гунаҳкор аст?

Рӯзҳои 16 ва 17-уми июни соли ҷорӣ дар Тоҷикистон се кӯдаки ноболиғ ғарқ шуданд, ки хурдтарини онҳо якунимсола буд.

Дар Русия пулис ҳам метавонад муҳоҷиронро ихроҷ кунад

Аз ин ба баъд пулиси Русия метавонад шаҳрвандони хориҷие, ки даст ба қонуншиканӣ задаанд, бидуни қарори додгоҳ аз Русия ихроҷ кунанд.