28.9 C
Dushanbe

Мақомоти Русия шаҳрвандони тоҷикро бо ваъдаи пул ба ҷанг даъват мекунанд

Муҳоҷирони кории тоҷики муқими Русия мегӯянд, мақомоти ин кишвар бо роҳҳои гуногун барои онҳо даъватнома фиристода, бо ваъдаҳои зиёди пулӣ онҳоро барои ҷанг ба Украина ҷалб мекунанд.

Ба дасти Azda tv аксе аз ин даъватномаҳои мақомоти Русия расид, ки муҳоҷирони тоҷик мегӯянд, ин номаҳора тариқи Почта чанд маротиба шуда, ки дарёфт мекунанд. Дар ин номаҳо барои иштирокчиёни чанг моҳона то беш аз 200 ҳазори рубли русӣ (беш аз 2500 доллари амрикоӣ) ваъда шудааст.

Муҳоҷирони тоҷик мегӯянд, мақомоти Русия ба онҳо гуфтаанд, агар хоҳед пас аз бастани шартнома мо маблағи яксоларо қаблан пешпардохт мекунем. Инчунин мақомот бо ҳар баҳонае ин номаҳоро ба онҳо фиристода, талаб доранд, ки агар ба ҷанг раванд, ҳангоми баргаштан дорои обрӯву иззат ва мавриди эҳтироми мардуми рус қарор мегиранд.

Муҳоҷирон мегӯянд, то чанде пеш мақомоти Русия бо ин услуб мардумро ба ҷанг даъват намекарданд, аммо дар ин авохир ирсоли чунин номаҳо ба хонаҳои муҳоҷирон зиёд шудааст.

Ҳамчунин дар робита ба ин мавзуъ ду рӯз пеш Радиои Озодӣ бо нашри матлабе хабар дода буд, ки мақомоти Русия бархе аз шаҳрвандони Тоҷикистонро, ки соҳиби душаҳрвнадӣ ҳастанд, тариқи “Госуслуги” паёмак фиристода, онҳоро мамнуъулхуруҷ кардаанд.

Бархе муҳоҷирони тоҷик аз он шикоят доранд, ки шиносномаи Русия барои онҳо дардисарсоз шудааст. Чун онҳо аз як сӯ ба ҷанг рафтан намехоҳанд ва аз сӯи дигар, аз ин кишвар ҳам берун баромада наметавонанд.

Хабарро таблиғ кунед:

БЕШТАР БИХОНЕД
БЕШТАР БИХОНЕД

“Гурӯҳи 24” рафтори мақомоти рус ва беамалии мақомоти тоҷикро маҳкум кард

Ҳаракати сиёсии “Гурӯҳи 24” бо нашри изҳороте рейду боздошт ва латтукӯби муҳоҷиронро дар шаҳру ноҳияҳои Русия муносибати ғайриинсонӣ ва бераҳмонаи мақомоти давлатии ин кишвар номид.

Шикояти вакилони дифоъи Хуршед Фозилов

Вакилони дифои рӯзноманигори зиндонӣ Хуршед Фозилов аз болои ҳукми Додгоҳи Панҷакент ба Додгоҳи вилояти Суғд шикоят бурдаанд.  

Латтукӯби муҳоҷирон ва ба маконҳои номаълум бурдани онҳо идома дорад

Чанд рӯзи ахир боздошт ва латтукӯби муҳоҷирон, бахусус муҳоҷирони тоҷик аз ҷониби нерӯҳои амниятӣ ва интизомии Русия бештар шудааст.

Рафту омад дар роҳи Душанбе-Хуҷанд маҳдуд шуд

Шуруъ аз имрӯз, 1-уми июни соли ҷорӣ дар шоҳроҳи Душанбе-Чаноқ барои рафту омади мошинҳо маҳдудият ҷорӣ шудааст.