-3.1 C
Dushanbe

Мақомоти Русия ва Тоҷикистон дар музокирот кадом масъалаҳоро баррасӣ карданд?

Рӯзи 19 апрел дар Душанбе музокирот байни намояндагони Русия ва Тоҷикистон дар масъалаҳое, ки “ҳалли фавриро тақозо мекунанд”, баргузор гашт. Ҳайати Русияро муовини вазири корҳои хориҷии ин кишвар Андрей Руденко ва ҷониби Тоҷикистонро муовини вазири меҳнат, муҳоҷират ва шуғли аҳолии Тоҷикистон Шаҳноза Нодирӣ роҳбарӣ намуданд.

Бино ба иттилои Вазорати корҳои хориҷаи Тоҷикистон, дар мулоқоти ҷонибҳо илова бар масъалаҳои ҳалталаб инчунин доир ба лоиҳаҳои санадҳои ҳамкорӣ, ки дар баррасии ҷонибҳо қарор доранд, гуфту шунид сурат гирифта, протокол ба имзо расид.

Дар хабари Вазорат гуфта намешавад, ки “масъалаҳое, ки ҳалли фавриро тақазо мекунанд”, кадом масъалаҳо буданд, аммо чанд рӯзи пеш мақомоти Русия ба кишварҳои ИДМ то 15 июн муҳлат доданд, ки масъалаи будубоши муҳоҷирони ғайриқонунияшонро ҳарчи тезтар ҳал кунанд. Дар акси ҳол ҳамаи онҳо аз Русия ихроҷ мешаванд.

Ба иттилои Вазорати корҳои дохилии Русия, дар ин кишвар, бештар аз ҳама муҳоҷирони ғайриқонунӣ аз Узбекистон, Тоҷикистон, Украина ва Озарбойҷон ба сар мебаранд.

Мақомоти Русия шумораи муҳоҷирони ғайриқонунии тоҷикро дар қаламрави ин кишвар ҳудуди 247 ҳазор гуфтанд. Аммо масъулони Вазорати меҳнат, муҳоҷират ва шуғли аҳолии Тоҷикистон ба ин омор бовар надоранд ва мегӯянд, мақомоти Русия шумори муҳоҷирони ғайриқонунии тоҷикро барзиёд гуфтаанд.

Хабарро таблиғ кунед:

БЕШТАР БИХОНЕД
БЕШТАР БИХОНЕД

Аз Насимҷон Шарифов то ҳол хабаре нест

Бо гузашти се рӯз аз Насимҷон Шарифов, намояндаи Ҳаракати...

Мудири шуъбаи “Қаряи Боло” боздошт шуд

Мудири шуъбаи беморхонаи "Қаряи Боло"-и пойтахт бо иттиҳом даст доштан дар тасарруфи беш аз 70 ҳазор сомонӣ боздошт шудааст.

Як сарбози амрикоӣ дар назди сафорати Исроил худро оташ зад

Рӯзи якшанбе, 25-уми феврали соли ҷорӣ як сарбози нерӯҳои ҳавоии Амрико дар назди сафорати Исроил дар Вашингтон худро оташ зад.

Музокироти пинҳонии Тоҷикистон бо Толибон

Мақомоти Тоҷикистон бо намояндаҳои Толибон ба сурати пинҳонӣ дар шаҳри Душанбе мулоқот кардаанд.