25.9 C
Dushanbe

Мақомоти Тоҷикистон қасди ҷони Маҳмадалӣ Ҳаитро кардаанд?

Сомонаи “Ислоҳ.нет” ки мудираш Муҳаммадиқболи Садриддин – яке аз мухолифони ҳукумати президенти 28-солаи Тоҷикистон, Эмомалӣ Раҳмонов, дар матлабе аз нақшаи қатли Маҳмадалӣ Ҳаит аз сӯи мақомдорони Тоҷикистон хабар медиҳад.

Ба иддаои сомонаи “Ислоҳ”, амалиёти маҳви физикии Маҳмадалӣ Ҳаит, муовини зиндонии раиси Ҳизби наҳзати исломии Тоҷикистонро мақомдорони тоҷик рӯйи даст гирифтаанд ва барои иҷрои ин кор Дониёр Сафаров – қотиле, ки дар гузашта дар куштори ду духтари ҷавон гунаҳкор дониста мешавад, вазифадор шудааст.

Додгоҳи ноҳияи Исмоили Сомонии шаҳри Душанбе Донёр Сафаровро ҳамроҳ бо як нафари дигар бо ҷурми куштори ду ҷавондухтар дар моҳи декабри соли гузашта барои 22 сол маҳкум ба зиндон кард.

Муовини раиси ҲНИТ Маҳмадалӣ Ҳаит, аз сӯи Додгоҳи Олии Тоҷикистон дар соли 2016 ба ҳукми абад маҳкум шуда, дар боздоштгоҳи рақами яки Душанбе нигаҳдорӣ мешавад.

Ба иддаои ин сомона, Дониёр Сафаров – ҳамон ронандаи мусофиркаши маҳкумшуда бо ҷурми қатли ду одамро бо Маҳмадалӣ Ҳаит дар як ҳуҷра ҷо кардаанд.

Манбаи “isloh.net” менависад:

“Як корманди баландрутбаи милисаи Душанбе бо номи Хусрав Аминов Нуриддинович, ки аз солҳо пеш бо Дониёр Сафаров рафиқӣ ва риштаи дӯстӣ дошт, ба Дониёр ваъда додааст, ки шарти раҳоии ӯ ба куштори Муҳаммадалӣ Ҳайитов марбут аст. Ҳоло маълум нест, ки дар пушти ин «заказ» шахсан худи Эмомалӣ Раҳмонов меистад ва ё афроде баландпояи дигар аз мақомоти Тоҷикистон”.

Дурустии ин хабар аз ҷои дигаре таъйид ё рад нашудааст, аммо пештар Радиои Озодӣ аз қавли ҳамсари М.Ҳаит, ки рӯзи 22-юми майи соли ҷорӣ бо ӯ дар боздоштгоҳи рақами яки Душанбе мулоқот кард, хабар дода буд, ки як нафари муттаҳам ба ду кушторро бо шавҳараш дар як ҳуҷра ҷой кардаанд.

Савринисо Ҷӯрабекова ба “Радиои Озодӣ” гуфт:

“Дар як утоқ бо зиндонии гунаҳкор дар куштори чанд зан нишондаанд. Ишора кард, ки ин зиндонӣ зуд-зуд оби ташнобро банд мекунад ва ё тавтеаҳои дигарро ба роҳ меандозад, то ӯ асабӣ шуда, вокуниши тунд нишон диҳад. Аз маъмурони зиндон мехоҳад ӯро бо зиндониёни дигар, аз ҷумла Саидумар Ҳусайнӣ нигоҳ доранд”.

Ҷамшед Ёров, ҳуқуқдони тоҷик дар Аврупо мегӯяд, Вазорати адлияи ҶТ худаш конунро дағалона вайрон мекунад.

“Тибқи Кодекси иҷрои ҷазои ҷиноятӣ, зиндониёне, ки ба ҳукми абад маҳкум шудаанд, бояд ҷудогона аз дигар маҳбусон нигоҳ дошта шаванд. Дар моддаи 78-и ҳамин қонун омадааст, ки шахсони якумра аз озодӣ маҳрум аз дигарон ҷудогона нигоҳ дошта мешаванд. Ва касеро ба ғайр аз маҳкумшудаҳои якумра бо онҳо дар ҳуҷраҳо ҳамроҳ кардан мумкин нест.”

“Хатогии дуюм ва ё бемасъулиятии Ҳукумат он аст, ки якумра махкумшудагон набояд дар СИЗО нигох дошта шаванд. Дар СИЗО  дилхоҳ маҳкумшуда барои иҷрои ягон кори ёрирасонӣ ва ё ҳангоми гузаронидани ягон амали тафтишотӣ ҷой дода мешавад. Пас аз даҳ рӯзи ба қувваи конунӣ даромадани ҳукми суд, бояд маҳкумшуда ба колонияҳои махсус равон карда шавад”, – гуфт Ҷамшед Ёров ба “Аздо тв”

Додгоҳ дар Тоҷикистон паси дарҳои баста Маҳмадалӣ Ҳаитро дар соли 2016 бо иттиҳоми терроризму экстремизм ба ҳукми абад маҳкум кард. Ӯ ва наздиконаш қарори додгоҳро беасос ва дорои ангезаҳои сиёсӣ медонанд.

Гурӯҳи кории Созмони Милали Муттаҳид низ дар пайи тафтиши қазияи Маҳмадалӣ Ҳаит дар соли 2018 боздошти ӯро ғайриқонунӣ донист ва аз Ҳукумати Тоҷикистон даъват кард то ӯро бе ягон қайду шарт фавран озод кунанд.

Хабарро таблиғ кунед:

БЕШТАР БИХОНЕД
БЕШТАР БИХОНЕД

Дархости мухлисони футбол аз “Барқи тоҷик”

Сокинони шаҳру ноҳияҳои Тоҷикистон аз ширкати "Барқи тоҷик" талаб доранд, ки имшаб барои тамошои футболи дастаи “Истиқлол”-и Душанбе ва “Ан-Наср”- и Арабистони Саудӣ, барқро қатъ накунанд.

Чанд шаҳру ноҳия дар рӯзи аввал нақшаи даъватро иҷро карданд

Мақомоти ВМКБ, баъзе ноҳияҳои вилояи Хатлон ва вилояти Суғд хабар доданд, ки нақшаи даъватро дар як рӯз пурра иҷро кардаанд.

Баъди бо тухм задани Раҳмон, намоянданони ҳукумат дар нишасти САҲА ширкат мекунанд?

Нишастҳои навбатии Созмони Амният ва Ҳамкории Аврупо дар мавриди санҷиш ва баҳодиҳии ҳуқуқи инсон дар шаҳри Варшава, пойтахти Лаҳистон аз имрӯз, 2-уми октябри соли 2023 шуруъ мешавад.

Дар Тоҷикистон боздошти пайвандони мухолифон идома дорад

Бо гузашти се рӯз аз тазоҳурот ва бо тухм...