14.9 C
Dushanbe

Маскав: Афзоиши теъдоди боздоштшудаҳо

15-уми июл дар Маскав теъдоди боздоштшудаҳои задухӯрди гурӯҳии муҳоҷирон ба 45 нафар афзоиш ёфт.

Додгоҳи Кузминскии Маскав рӯзи панҷшанбе 15 июл боз се иштирокчии занозании оммавиро дар назди метрои Кузминки барои 15 шабонарӯз боздошт кард. Шумораи умумии боздоштшудагон ба 45 нафар расид. Дар ин бора котиби матбуотии суд Кристина Каленова хабар дод.

“Додгоҳ рӯзи 13 ва 14 июл 42 нафарро барои 15 шабонарӯз ба ҳабси маъмурӣ маҳкум кард ва имрӯз протокол дар нисбати се шаҳрванди дигар баррасӣ шуд. Бинобар ин шумораи умумии онҳо ба 45 нафар расид,”- гуфт Каленова дар сӯҳбат ба РИА Новости.

Қаблан гузориш шуда буд, ки боздоштшудагонро додгоҳ тибқи моддаи 20.2-и қисми 6.1 (Иштирок дар ҷамъомадҳои беиҷозат, ки ба фаъолияти объектҳо ва ба таъминоти ҳаёт халал мерасонанд”) -и Кодекси маъмурии Федератсияи Русия гунаҳкор шинохтааст.

Тибқи қарори додгоҳ бархе иштирокчиёни задухӯрд аз Русия ихроҷ карда, баъзеи дигарро бо ҷаримаи маъмурӣ ва манъи вуруд ба ин кишвар таҳдид мекунад.

Ёдовар мешавем, ки шаби 13-уми июл 200 нафар аз муҳоҷирони Осиёи Марказӣ дар назди метрои Кузминкии Маскав бо ҳам занозанӣ кардаанд, ки аксари онҳоро дар ВАО шаҳрвандони кишварҳои Ӯзбекистон, Қирғизистон ва зодагони Тоҷикистон гузориш додаанд.

Хабарро таблиғ кунед:

БЕШТАР БИХОНЕД
БЕШТАР БИХОНЕД

Тоҷикистон шомили кишварҳои олудатарини ҷаҳон шуд

Созмони швейтсариягии IQAir, ки сифатнокии ҳаворо дар кишварҳои ҷаҳон таҳқиқ мекунад, дар гузориши тозааш Тоҷикистонро шомили кишварҳои олудатарини дунё кардааст.

Шикояти муҳоҷирони тоҷик дар Русия аз боздошту шиканҷа

Пас аз ҳодисаи ҳамла ба бинои "Крокус Сити Ҳолл" дар Маскав муҳоҷирони тоҷик аз ҷониби пулис ва ҳатто мардуми оддӣ мавриди ҳамлаҳои лафзӣ ва ҷисмӣ қарор гирифтаанд.

Ҳабси пешакии гумонбарон дар ҳамлаи хунини Русия

Пас аз ҳодисаи ҳамла ба бинои "Крокус Сити Ҳоле" дар Маскав муҳоҷирони тоҷик аз ҷониби пулис ва ҳатто мардуми оддӣ мавриди ҳамлаҳои лафзӣ ва ҷисмӣ қарор гирифтаанд.

Баррасии ҳамкориҳои Тоҷикистону Туркия

Мақомоти баландпояи Тоҷикистон ва Туркия дар бораи ҳамкориҳои худ ва аз он ҷумла дар бораи масоили амниятӣ суҳбат карданд.