26.9 C
Dushanbe

Мухолифин: Вазири корҳои дохилӣ дурӯғ мегӯяд

Ҳизби наҳзати исломии Тоҷикистон изҳороти Вазири корҳои дохилии кишварро нодурст хонда мегӯяд, ки дар соли 2021 баъзе аъзои ин ҳизбро мақомот зери фишор ба ватан баргардонданд.

Муоивини Раиси Ҳизби наҳзати исломии Тоҷикистон Шоҳнаими Карим дар суҳбат бо АЗДО ТВ таъкид кард, ки Рамазон Раҳимзода дурӯғ гуфта, ки баъзе аъзои ҲНИТ бо ихтиёри худ ба ватан баргаштаанд.

Ба қавли муовини ҲНИТ, дар соли гузашта кормандони мақомоти Тоҷикистон бархе аъзои ин ҳизбро дар бархе кишварҳо, аз ҷумла дар давлатҳои пасошӯравӣ бо ҳар василае зеро фишор қарор дода маҷбур карданд, ки ба ватан баргарданд ва то ҷое мо маълумот дорем, ҳеч касе аз онҳо бо ихтиёри худ Тоҷикистон нарафтааст.

Вазири корҳои дохилии Тоҷикистон пеш аз ин дар нишасти матбуотиаш гуфта буд, ки дар давоми соли 2021 зиёда аз 100 нафар аз аъзои Ҳизби наҳзати исломии Тоҷикистон, Гурӯҳи 24 ва Паймони миллии Тоҷикистон пушаймон шуда, ба ватан гашта истодаанд.

Имрӯз, 2-юми феврали соли 2022 Рамазон Раҳимзода, Вазири корҳои дохилии Тоҷикистон дар посухи суоле ба расонаҳо гуфт, ки “25 нафар аъзои гуруҳҳои муташаккили ҷиноятии Вилояти Мухтори Кӯҳистон Бадахашон ва зиёда 100 нафар аз аъзои Ҳизби наҳзати исломии Тоҷикистон, Гурӯҳи 24 ва Паймони миллӣ пушаймон шуда аз кирдорҳои худ ихтиёран ба ватан баргашта омадаистодаанд.”

Ҳамзамон бархе аз намояндагони шинохтаи “Гурӯҳи-24” низ дар шабакаҳои иҷтимоӣ ин изҳороти Вазири корҳои дохилиро зери суол қарор дода, изҳороти Рамазон Раҳимзодаро дурӯғи навбатӣ ва хаёлфобии мақомот гуфтаанд.

Ичунин гуфта мешавад, Паймони миллии Тоҷикитсон узв надорад, балки чор созмонеро зери чатри худ муттаҳид карда, эътилоферо ташкил кардааст.

Хабарро таблиғ кунед:

БЕШТАР БИХОНЕД
БЕШТАР БИХОНЕД

Афзоиши муҳоҷирати тоҷикон ба ИМА

Сафорати Иёлати Муттаҳидаи Амрико дар Тоҷикистон мегӯяд, ки судури раводиди муҳоҷиратӣ барои тоҷикистониҳоро афзоиш додааст.

Нишасти Шӯрои олии иқтисодии Иттиҳоди Авруосиё

Эмомалӣ Раҳмон дар нишасти Шӯрои олии иқтисодии Иттиҳоди иқтисодии Авруосиё, ки ба ҳайси меҳмон даъват шуда буд, иштирок ва суханронӣ кард.

ВКД-и Тоҷикистон хостори таҳқиқи латтукӯби донишҷӯён шуд

Вазорати корҳои дохилаи Тоҷикистон бо ирсоли барқияе аз мақомоти Русия хостори таҳқиқи латтукӯби донишҷӯён ва "рейд"-и муҳоҷирони тоҷик шудааст.

Вазорат латтукӯби бераҳмонаи сарбозро рад кард, аммо шоҳидон чизи дигар мегӯянд

Вазорати мудофиаи Тоҷикистон бо нашри изҳороте хабари бераҳмона латтукӯб шудани сарбози қаторӣ Маҷидов Аслиддинро аз ҷониби ҳамхизматонаш беасос номид.