27.9 C
Dushanbe

Мулоқоти сарони кишварҳои Осиёи Марказӣ

Президентҳои кишварҳои Осиёи Марказӣ ва Озарбойҷон ба хотири иштирок дар нишасти навбатии машваратии худ вориди шаҳри Душанбе, пойтахти Тоҷикистон шуданд.

Бино ба иттилои расмӣ, субҳи имрӯз сарони кишварҳои Узбекистон, Туркманистон, Қазоқистон ва Қирғизистон дар раъси ҳайатҳои расмии кишварҳои худ вориди Тоҷикистон шуданд.

Ба қавли манбаъ, президентҳои кишварҳои Узбекистону Қирғизистон ва Туркманистону Қазоқистон ба хотири ширкат дар Вохӯрии панҷуми машваратии сарони давлатҳои Осиёи Марказӣ ва Ҷаласаи Шӯрои сарони давлатҳои муассиси Фонди байналмилалии наҷоти Арал ба Тоҷикистон сафар карданд.

Пеш аз ин, 13-уми сентябри соли ҷорӣ дар шаҳри Душанбе ҷаласаи Вазирони корҳои хориҷии кишрваҳои Осиёи Марказӣ низ баргузор гардида буд. Вазорати корҳои хориҷии Тоҷикистон гуфта, ки дар ин нишаст “роҳбарони мақомоти корҳои хориҷӣ лоиҳаи рӯзнома ва номгӯи ниҳоии ҳуҷҷатҳои Вохӯрии панҷуми машваратии сарони давлатҳои Осиёи Марказиро баррасӣ ва ҳамоҳанг намуданд.” 

Ҳамзамон Президенти Озарбойҷон низ дар сафи меҳмонони Душанбе ҳузур дорад. Вай ба сифати узви давлатҳои муассиси Фонди байналмилалии наҷоти Арал ба Тоҷикистон омадааст, то дар Шӯрои сарони он ширкат кунад. Илҳом Алиев ҳамчун меҳмони фахрӣ дар Вохӯрии панҷуми машваратии сарони давлатҳои Осиёи Марказӣ низ иштирок менамояд. 

Гуфта мешавад, дар рафти ин мулоқотҳо маҷмӯи масоили шарикии стратегӣ ва ҳампаймонии кишварҳо, ҳамчунин рӯзномаи чорабиниҳои сатҳи олӣ, ки рӯзҳои 14 ва 15 сентябр дар Душанбе баргузор мегарданд, баррасӣ шудааст.

Хабарро таблиғ кунед:

БЕШТАР БИХОНЕД
БЕШТАР БИХОНЕД

Сохти беш аз 100 дидбонгоҳи марзии ҷадид

Толибон дар марз байни Афғонистон ва кишварҳои ҳамсояи он зиёда аз 100 дидбонгоҳи марзии нав сохтанд.

Мулоқоти Эмомалӣ бо Дабири кулли СММ

Раисҷумҳури Тоҷикистон Эмомалӣ Раҳмон дар Ню-Йорк бо Дабири кулли Созмони Милали Муттаҳид Антониу Гутерриш мулоқот кард.

Озодии 10 зиндонӣ бо пардохти 6 миллиард доллар

10 нафар аз зиндониёни эронӣ ва амрикоӣ бо "пардохт"-и 6 миллиард доллар озод шуданд.

Зеленский ҷаҳонро аз оғози ҷанги ҷаҳонии сеюм ҳушдор дод

Владимир Зеленский, раисҷумҳури Украина 17-уми сентябр дар мусоҳибае бо...