36.9 C
Dushanbe

Мулоқоти вазири умури хориҷаи Тоҷикистон бо намояндаи Иттиҳоди Аврупо

Вазири умури хориҷаи Тоҷикистон Сироҷиддин Муҳриддин дар ҳошияи Форуми дипломатӣ дар шаҳри Анталияи Туркия бо намояндаи Иттиҳодияи Аврупо дар умури хориҷа сиёсат ва амният Жозеп Боррелл дидору гуфтугӯ намуд.

Дар ҷараёни ин мулоқот ҷонибҳо перомуни татбиқи стратегияи ҷадиди Иттиҳодияи Аврупо дар Осиёи Марказӣ суҳбат карданд.

Хабаргузории “Спутник” бо такя ба манбааш дар дафтари матбуотии Вазорати умури хориҷаи Тоҷикистон иттилоъ дода, ки ҷонибҳо рушди ҳамкориҳои дуҷонибаи Тоҷикистон ва Иттиҳодияи Аврупо, татбиқи стратегияи ҷадиди ИА дар Осиёи Марказӣ ва ҳамчунин амалисозии лоиҳаҳои муштаракро баррасӣ карданд.

Дар ҷараёни ин мулоқот аҳамияти рушди муносиботи Тоҷикистон ва ИА дар доираи Шӯрои ҳамкорӣ дар Кумитаи ҳамкорӣ қайд карда шуд.

Ба гуфтаи дафтари матбуотии Вазорати умури хориҷаи Тоҷикистон Муҳриддин ва Баррелл дар мавриди амният ва суботи минтақавӣ гуфтугӯи судманд доштанд. Доир ба вазъи Афғонистон, таҳдидҳои терроризм ва экстремизм низ диққати махсус доданд.

Ёдовар мешавем, ки Иттиҳоди Аврупо стратегияи ҷадиди худ барои Осиёи Марказиро дар соли 2019 тасвиб кард, стратегияи пештараи он соли 2007 қабул шуда буд.

Санад таъмини устуворӣ ва ҳамкории минтақавиро дар минтақа мадди назар дорад, аз ҷумла Иттиҳодияи Аврупо тасмим гирифта, ки ба навсозии иқтисодӣ ва сармоягузорӣ ба ҷавонон мусоидат намояд.

Хабарро таблиғ кунед:

БЕШТАР БИХОНЕД
БЕШТАР БИХОНЕД

Русия: Тоҷикистон набояд ба Ғарб наздик шавад

Сергей Лавров зимни боздидаш аз Душанбе дар суханрониҳояш ба мақомоти тоҷик тазаккур дод, ки Русия намехоҳад ҳамкориҳои Тоҷикистону Ғарб бештар шаванд.

Суқути қурби рубли русӣ дар Тоҷикистон

Баъд аз сафари вазири корҳои хориҷии Русия ба шаҳри Душанбе ва музокироти сатҳи олии раҳбарони Тоҷикистон ва Русия қурби рубли русӣ дар баробари пули миллӣ-сомонӣ поён расфт.

Даргузашти Зафар Мирзоён

Донишманд ва нависандаи шинохтаи тоҷик Зафар Мирзоён шаби 7-уми июни соли ҷорӣ дар синни 74-солагӣ аз дунё даргузашт.

Нерӯҳои Русия обанбореро дар Украина тарконданд

Нерӯҳои артиши Русия бахше аз обанбори нерӯгоҳи Коховкаро дар Херсон таркониданд, ки аҳолии поёноби ин сарбандро зери об мондан таҳдид мекунад.