Тоҷикистон

Мулоқоти Зубайдзода бо муовини Башшор Асад

Сафири Тоҷикистон дар давлати Кувайт барои бозпас гардонидани шаҳрвандони кишварамон бо муовини Президенти Сурия мулоқот кард.

Бино ба иттилои сомонаи Вазорати корҳои хориҷӣ, имрӯз, 16-уми ноябри соли 2022, Зубайдулло Зубайдзода, сафири Тоҷикистон дар давлати Кувайт бо генерал Алӣ Мамлук, муовини Президенти Ҷумҳурии Арабии Сурия дар Димишқ мулоқот кард.

Ба қавли манбаъ, сафири Тоҷикистон ҳангоми мулоқоти бо муовини Президенти Сурия оид ба масъалаҳои амниятӣ, роҳбари Дафтари амнияти миллии ин кишвар дар бораи "масъалаҳои ҳамкорӣ дар соҳаи амният байни ду кишвар" гуфтугӯ карданд.

Зубайдулло Забайдзода, ки чор рӯз боз дар Димишқ ба сар мебарад, дар мулоқот бо генерал Алӣ Мамлук низ масъалаи "баргардонидани шаҳрвандони Тоҷикистон аз Сурия ба Ватан"-ро мавриди баррасӣ қарор додааст.

Гуфта мешавад, сафири Тоҷикистон дар давлати Кувайт тайи 4 рӯзи ахир ҳангоми мулоқотҳояш бо мақомоти олирутбаи Сурия, аз он ҷумла мулоқот бо вазири корҳои дохилӣ, ва дидор бо вазири корҳои хориҷӣ ва муҳоҷирини Сурия "дар бораи баргардонидани шаҳрвандони Тоҷикистон аз Сурия ба Ватан" суҳбат карда буд.

Дар урдугоҳҳо ва зиндонҳои Сурия садҳо нафар аз шаҳрвандони Тоҷикистон, ки дар замони тасаллути ДИИШ ба Ироқу Сурия дар сафи нерӯҳои он ҳузур доштанд, баъд аз шикасти ин созмони террористӣ мисли дигарон хеле аз онҳо низ боздошт ва зиндонӣ шудаанд, акунун, ки вазиъият фарқ мекунад, Тоҷикистон низ мехоҳад шаҳрвандонашро аз Сурия ба Ватан баргардонад.

Хонандагони азиз, лутфан, ҳар хабару гузоришеро, ки мушоҳида мекунед ва ё пешниҳоду суоле доред, метавонед онро ба мо, тариқи почтаи электронӣ, Telegram, WhatsApp, Viber ва Imo ба ин рақам:

Матолиби дигари Тоҷикистон

Тоҷикистон

Тағйироти кадрӣ дар мақомоти судии Тоҷикистон

Тоҷикистон

Огоҳӣ! Дар Тоҷикистон ин рӯзҳо ҳаво сард мешавад!

Тоҷикистон

Сайид Шамс ба Тоҷикистон истирдод шуд

Тоҷикистон

Афзоиши сатҳи талоқ дар Тоҷикистон. Иллат чист?