Муроҷиати КШНГЗС ба Салиби Сурхи Тоҷикистон оиди қазияи бобои Дона
Кумитаи шаҳрвандии наҷоти гаравгонҳо ва зиндониёни сиёсии Тоҷикистон бо пахши як муроҷиатнома аз Кумитаи байналмиллалии Салиби Сурх ва Ҷамъияти Ҳилоли Аҳмар дар Тоҷикистон дархост намуда, ки ба қазияи Донаёр Набиеви 87-сола, ки чанде пеш аз ҷониби мақомоти кишвар бо иттиҳоми ифротгароӣ дастгир ва ба 7 соли зиндон маҳкум шуд, расидагӣ кунанд, чун вазъияти саломатияш дар зиндон бад шудааст ва ниёз ба табобат дорад.
Кумита дар муроҷиаташ менависад:
“Мо медонем, ки дари зиндонҳои Тоҷикистон ҳамоно ба рӯи намояндагони Салиби Сурх бастааст. Аммо дар қалби мо шӯълаи умеде аст, ки шояд ин бор Раёсати ислоҳии умумии умури зиндонҳои Вазорати адлияи Ҷумҳурии Тоҷикистон солманд будани Донаёр Набиевро ба инобат гирифта, ақаллан ба намояндагони Кумитаи Салиби Сурх ҳамчун созмони беғараз иҷозат медиҳанд, ки аз зиндон боздид кунанд ва ба ин мӯйсафеди бемор кӯмаки худро расонанд ва барои интиқол додани ӯ ба бемористони маҳбас мусоидат намоянд. Аз ин рӯ, бо эҳтироми зиёд аз шумо хоҳиш менамоем, ки дар қазияи Дониёр Набиев бетараф набошед ва ба ёрии ӯ биштобед”.
Хонандагони азиз, лутфан, ҳар хабару гузоришеро, ки мушоҳида мекунед ва ё пешниҳоду суоле доред, метавонед онро ба мо, тариқи почтаи электронӣ, Telegram, WhatsApp , Viber ва Imo ба ин рақам: +48519767404 бифиристед.