32.9 C
Dushanbe

Мушкилоти муҳоҷирони меҳнатӣ дар Русия бештар мешавад?

“РИА Новости” аз қавли Вазорати корҳои дохилии Русия навиштааст, тамоми муҳоҷироне, ки бо мақсади кор ба Русия меоянд, пеш аз корро оғоз кардан маблағи муайяне пешпардохт хоҳанд кард.

Ба иттилои манбаъ, дар ин бора дар консепсияи ВКД Русия тарҳи нави қонуни федералии масоили муҳоҷиратӣ хабар додааст.

Барои пардохти ин андоз муҳоҷирони меҳнатӣ бояд патенти электронӣ тартиб диҳанд. Онҳо танҳо пас аз пардохти андоз аз даромади инфиродӣ дар намуди пешпардохти муайян ба кор шурӯъ карда метавонанд. Навиштааст, “РИА новости”.

Ба навиштаи ин хабаргузорӣ кордиҳандагон – чи шахсони ҳуқуқӣ ва чи соҳибкорони инфиродӣ, вақте шаҳрванди хориҷиро ба кор мегиранд, ҳатман дар вебгоҳи “Госуслуги” номашонро сабт намоянд.

Бино ба иттилои манбаъ, муҳоҷироне, ки дар давоми 15 рӯз андозро пардохт намекунанд, дар аввал огоҳӣ мегиранд, дар сурати боз таъхир кардан аз кор маҳрум ва ё аз Русия ихроҷ мешаванд.

Дар  ин тарҳ чи тавр кабул кардани шаҳрвандони хориҷӣ ба кор эзоҳ дода мешавад.

Ҳамчунин ҳаҷми маош, ки ба музди миёна дар минтақа баробар аст ва ё ҷаримаҳои пардохтнашуда ба назар гирифта мешавад.

Тибқи ин қонуни нав, ки ҳоло дар қайди баррасӣ қарор дорад, ба ҳар як муҳоҷир ID-корт дода мешавад, ки дар он маълумоти шахсии ӯ ҳифз мешаванд.

Ба қавли огоҳони умур, ин қонун дар ҳоле таҳия мешавад, ки муҳоҷирони тоҷик бе ин ҳам ҳармоҳа маблағи патент месупоранд ва ҳангоми ба иҷро даромадани ин қонун боз як мушкилии дигар ба сари муҳоҷирон илова мегардад.

Хабарро таблиғ кунед:

БЕШТАР БИХОНЕД
БЕШТАР БИХОНЕД

Бозгашти нахустин гурӯҳи зоирони тоҷик

Нахустини гурӯҳи зоирони тоҷикистонӣ баъд аз анҷоми маросими Ҳаҷ-2024 аз Арабистони Саудӣ ба Ватан баргарштанд.

Нопадид шудани панҷ сокини Язгулом дар фурӯдгоҳи Кӯлоб

Панҷ нафар аз сокинони ноҳияи Язғулом дар фурӯдгоҳи шаҳри Кӯлоб нопадид шудаанд. Дар ин бора хешовандонашон ба расонаҳо дар Тоҷикистон хабар додаанд. 

Ҳамлаи террористӣ дар Доғистон 20 кушта ба ҷо гузошт

Бино ба иттилои Вазорати корҳои дохилии Русия, шаби 23-уми...

Абдусалом Одиназода аз зиндон озод шуд

Абдусалом Одиназода, донишманди тоҷики муқими Австралия баъд аз 3,5 соли зиндон рӯзи 19-уми июн ба озодӣ баромад.