25.9 C
Dushanbe

Нахустин гурӯҳи ҳоҷиёни тоҷик ба Ватан баргашт

Субҳи 6-уми июли соли ҷорӣ нахустин гурӯҳи зоирони Хонаи Худо аз Арабистони Саудӣ ба Тоҷикистон баргаштанд. Дар ин бора Маҷаллаи “Дин ва ҷомеа”-и Кумитаи дини кишвар хабар дод.

Гуфта мешавад, ин гурӯҳи ҳоҷиён 10-уми июни ҳамин сол ба Арабистон рафта буданд ва пас аз адои маносики ҳаҷҷи фарзӣ имрӯз тавассути ҳавопаймои ширкати “Сомон Эйр” аз Мадинаи Мунаввара ба Душанбе баргаштанд.

Афшин Муқим, сухангӯи Кумитаи дин, танзим ва анъанаи Ҷумҳурии Тоиҷикистон ба расонаҳо гуфт, ки субҳи имрӯз дар ҳавопаймои “Сомон Эйр” 165 ҳоҷӣ ба Ватан баргашт. Ва баргашти ҳоҷиёни тоҷик то 18-уми июл идома хоҳад кард.

Акс аз саҳифаи фейсбукии Маҷаллаи “Дин ва ҷомеа”

Тибқи маълумоти Кумитаи дини кишвар, нархи ҳаҷҷи имсол барои як нафар 59 ҳазор сомониро ташкил медод. Ва имсол беш аз 4 ҳазору 500 нафар аз Тоҷикистон барои адои ҳаҷҷи фарзӣ ба Арабистон рафтаанд.

Аммо ба гуфтаи баъзе манобеъ, имсол тоҷикистониёне, ки аз дигар кишварҳо, аз ҷумла Русия барои адои маносики Ҳаҷ ба Арабистон рафта буданд, шуморашон аз онҳое, ки аз Тоҷикистон рафтанд, ба маротиб бештар буд. Чун, ба гуфтаи онҳо, нархи ҳаҷ дар кишвар гарон аст ва инчунин маҳдудиятҳои дигаре вуҷуд дорад, ки аз дигар кишварҳо ба ҳаҷ рафтан барояшон осонтару арзонтар мешавад.

Хабарро таблиғ кунед:

БЕШТАР БИХОНЕД
БЕШТАР БИХОНЕД

“Халиқ Бонк Тоҷикистон” ба “Актив Бонк” табдили ном кард

Бонки миллии Тоҷикистон ба "Актив Бонк" барои анҷом додани амалиёти бонкӣ бо пули миллӣ ва асъори хориҷӣ иҷозатнома дод.

Таркиш: Беш аз 300 кушта ва захмӣ дар Қарбоғи Кӯҳӣ

Бар асари як таркиш дар минтақаи Қарабоғи Кӯҳӣ зиёда аз 300 нафар кушта ва захмӣ шудааст.

Изҳороти Вазорати корҳои хориҷӣ

Вазоратҳои корҳои хориҷии Тоҷикистон ва Узбекистон бо нашри "изҳороти матбуотӣ"-и муштарак аз баргузории ҷаласаи як ҳафтаинаи мақомоти ду кишвар хабар доданд.

Пулиси нозири роҳ ронандаро зад

Дар шабакаҳои иҷтимоӣ наворе нашр шуда, ки дида мешавад,...