-1.1 C
Dushanbe

Нақшаи даъвати тирамоҳии ҷавонон ба артиш 62% иҷро шуд

Нақшаи даъвати тирамоҳии ҷавонон ба артиш дар 20 рӯзи аввал 62 дарсад иҷро шудааст. Дар ин бора Вазорати дифои Тоҷикистон хабар дод.

Бино ба иттилои сомонаи Вазорати дифои Тоҷикистон, комиссариатҳои ҳарбии шаҳру навоҳии Вилояти Мухтори Кӯҳистони Бадахшон аввалин шуда нақшаи даъвати тирамоҳӣ ба артишро мисли мавсимҳои пеш иҷро карданд.

Ноҳияҳои тобеи марказ дар давоми 20 рӯз аз аввали даъвати тирамоҳӣ 70 дарсади нақшаи даъватро ба анҷом расонда, дар Душанбе ин нишондод 67%, дар вилояти Хатлон 63% ва вилояти Суғд 50%-ро ташкил дод.

Аз оғози даъвати тирамоҳӣ ба артиш беш аз 20 шаҳру навоҳии кишвар нақшаро пурра иҷро кардаанд.

Ёдовар мешавем, ки даъвати тирамоҳӣ ба сафи артиши Тоҷикистон аз 1-уми октябри оғоз шуда, то 30-уми ноябри соли ҷорӣ идома хоҳад кард.

Вазорати дифоъ дар ҳоле аз 62 дарсад иҷро шудани нақшаи даъвати тирамоҳии ҷавонон ба артиш хабар медиҳад, ки чанде пеш хабари марги Шоҳрух Маҳкамови 19-сола, ки дар қисми ҳарбӣ дар ноҳияи Мурғоби Бадахшон адои хидмат мекард, нашр шуда буд.

Мақомот мегӯянд, ӯ бар асари беморӣ даргузаштааст, аммо падару модараш бар ин боваранд, ки писарашон дар натиҷаи лату кӯб ҷон додааст.

Бадрафторӣ бо сарбозон ва кушта шудани ҷавонон бар асари лату кӯб дар қимсҳои низомии кишвар, боиси гурезон шудани ҷавонон аз артиш гаштааст. Мақомот барои пур кардани сафи артиш ҷавононро аз хонаву кӯчаҳо ва ҳатто аз назди донишгоҳҳо боздошт карда ва онҳоро зӯран ба артиш мебаранд.

Хабарро таблиғ кунед:

БЕШТАР БИХОНЕД
БЕШТАР БИХОНЕД

Толибон: Аҳмади Масъуд бо Иморати исломӣ байъат кардааст

Толибон мегӯянд, ки Аҳмади Масъуд, раҳбари ҷабҳаи муқовимати миллии Афғонистон бо Иморати исломӣ байъат кардааст.

Тасдиқи бемории Мамадшоева дар зиндон

Улфатхоним Мамадшоева, рӯзноманигор ва фаъоли зодаи Вилояти Мухтори Кӯҳистони Бадахшон дар зиндон аз фишорбаландӣ азият мекашад.

Бобаки Занҷонӣ баъди 10 сол озод мешавад

Бобаки Занҷонӣ, миллардер ва тоҷири шинохтаи эронӣ, ки бо иттиҳоми напардохтани беш аз 2 миллиард евро дар Теҳрон боздошт ва зиндонӣ шуда буд, озод хоҳад шуд.

Раиси Додгоҳи ноҳияи Ҷаббор Расулов бо кадом ҷурм зиндонӣ шуд?

Агентии зидди фасоди Тоҷикистон мегӯяед, раиси Додгоҳи ноҳияи Ҷаббор Расулов бо иттиҳоми гиирфтнаи пора дар ҳаҷми калон боздошт ва равонаи зиндон шуд.