23.9 C
Dushanbe

Нақшаи даъвати тирамоҳӣ 81,4% иҷро шудааст

Нақшаи даъвати тирамоҳии ҷавонон ба артиш то имрӯз, 11-уми ноябр 81,4 дарсад иҷро шудааст. Дар ин бора Avestа.tj дар истинод ба сухангӯи Вазорати дифои Тоҷикистон Фариддун Маҳмадализода хабар дод.

Ба гуфтаи Маҳмадализода нақшаи даъвати ҷавонон ба артиш дар вилояти Суғд 70%, дар вилояти Хатлон 79%, дар навоҳии тобеъи ҷумҳурӣ 93% ва дар шаҳри Душанбе 95% иҷро шудааст.

Гуфта мешавад комиссариатҳои ҳарбии Вилояти Мухтори Кӯҳистони Бадахшон нақшаи даъват ба сафи Қувваҳои мусаллаҳи кишварро дар рӯзҳои аввали даъват ба хидмати ҳарбӣ 100 дарсад иҷро кардаанд.

Ёдовар мешавем, ки даъвати тирамоҳӣ ба артиш аз 1-уми октябр оғоз шуда, то 30-уми ноябри соли ҷорӣ идома хоҳад кард ва ҷавононе, ки солҳои таваллудашон 1995-2004 мебошад, ба артиш бурда мешаванд.  

Пештар сухангӯи Вазорати дифоъ аз зиёд шудани шумораи ҷавонони ихтиёрӣ ва дар сари вақт иҷро шудани нақшаи даъват гуфта, онро ба корҳои фаҳмондадиҳии комиссияҳои даъватӣ рабт дода буд. Аммо хабару гузоришҳо аз дохили кишвар акси гуфтаҳои Маҳмадализодаро нишон дода, гуфта мешавад, ки сафи ҷавононе, ки ба артиш мераванд, кам шуда истодааст. Ҳатто мақомот маҷбур шудаанд барқро дар баъзе деҳаҳо қатъ кунанд ва бар ивази додани барқ сарбоз ё пул талаб кардаанд.

Инчунин, Додситонии кулли Тоҷикистон хабар дода буд, ки дар мавсими тирамоҳии имсол 124 нафар аз фарзандони мансабдорон ба хидмати ҳарбӣ ҷалб шуданд. Аммо миёни онҳо фарзандони мансабдорони калидӣ, ба монанди вазирону вакилон дар шаҳри Душанбе, ҳатто хешу табори онҳо вуҷуд надорад.

Шароити адои хидмат дар артиши Тоҷикистон хеле бад арзёбӣ мешавад. Яке аз сабабҳои гурезон шудани ҷавонон ин бадрафторӣ бо сарбозон ва кушта шудани ҷавонон бар асари лату кӯб дар қимсҳои низомии кишвар гуфта мешавад.

Солҳост, ки мақомоти Тоҷикистон барои пур кардани сафи артиши кишвар аз усули “облава” ё ҳамон сарбозшикор истифода намуда, ҷавононро аз хонаву кӯчаҳо ва ҳатто донишҷӯёнро аз назди донишгоҳҳо ва баъзе нафарони бемору маъюбро низ боздошт карда, зӯран ба артиш мебаранд.

Хабарро таблиғ кунед:

БЕШТАР БИХОНЕД
БЕШТАР БИХОНЕД

Мақомот мехоҳанд бародари як мухолифи тоҷикро аз хонааш берун кунанд

Мақомоти ноҳияи Зафаробод мехоҳанд замини як мухолифи тоҷик Салим Султонзодаро, ки дар он бародараш хона сохтаасту зиндагӣ мекунад, мусодира кунад.

Мақомот: Занҳо сарт напӯшанду мардҳо ришу мӯйи баланд нагузоранд!

Мақомоти амниятӣ ва интизомии кишвар дар кӯчаву бозорҳо "рейд" гузаронида, масъалаи пешгирӣ аз "либоси ба фарҳанги тоҷикон бегона"-ро сахт гирифтаанд.

Кишварҳои аврупоӣ давлати Фаластинро ба расмият шинохтанд

Рӯзи чоршанбе, 22-уми майи соли ҷорӣ кишварҳои Ирландия, Испания ва Норвегия аз тасмими худ дар бораи ба расмият шинохтани давлати Фаластин хабар доданд.

Сафари Раҳмон ба Теҳрон

Субҳи имрӯз Президенти Тоҷикистон дар раъси як ҳайати расмӣ вориди Теҳрон, пойтахти Эрон шуд.