-3.1 C
Dushanbe

Намоядаи Амрико дар нишасти САҲА аз ҳукми зиндони Ғурбатӣ гуфт

Намояндаи Амрико дар рӯзи охири нишасти САҲА аз зиндонӣ кардани рӯзноманигори шинохтаи тоҷик Абдуллоҳ Ғурбатӣ интиқод кард.

Майкл Козак, раиси ҳайати Амрико дар нишасти ҳуқуқи башари САҲА аз поин рафтани демократия ва боло рафтани авторитаризм дар баъзе кишварҳо гуфт.

Дар идомаи суҳбаташ ҷаноби Козак таъкид кард, кишварҳое, ки ҳуқуқи инсонро поймол мекунанд ва ба якпорчагии кишварҳои ҳамсоя эҳтиром намегузоранд, ба ҷавобгарӣ кашида мешаванд.

Ҳамзамон ӯ Тоҷикистонро барои аз озодӣ маҳрум кардани нафарони бегуноҳ танқид кард.

Ҷаноби Козак мегӯяд, ки мақоти тоҷик Абдуллоҳ Ғурбатиро бо ҳукми “ифтротгароӣ” барои 7,5 сол аз озодӣ маҳрум карданд. Ӯ бо интиқод аз мақомоти тоҷик афзуд, як қатор кишварҳоеро мебинем, ки аз озодандешонро саркӯб мекунанд.

Инчунин раиси ҳайати Амрико дар нишасти ҳуқуқи башари САҲА аз ҷомеаи шаҳрвандии кишварҳо ва ҳомиёни ҳукуқ, ки далерона суханронӣ карданд, таҳсин гуфт.

Ёдовар мешавем, 4-уми октябри соли ҷорӣ дар Боздоштгоҳи муваққатии шаҳри Душанбе пушти дарҳои баста, рӯзноманигори ҷавон ва пурталоши тоҷик Абдуллоҳи Ғурбатӣ ба 7 солу 6 моҳи зиндон маҳкум шуд. Созмонҳои баёналмилалии ҳуқуқи башар ҳукми ин рӯзноманигори шинохтаро ноодилона хонда, раҳоии ӯро талаб доранд.

Хабарро таблиғ кунед:

БЕШТАР БИХОНЕД
БЕШТАР БИХОНЕД

Аз Насимҷон Шарифов то ҳол хабаре нест

Бо гузашти се рӯз аз Насимҷон Шарифов, намояндаи Ҳаракати...

Мудири шуъбаи “Қаряи Боло” боздошт шуд

Мудири шуъбаи беморхонаи "Қаряи Боло"-и пойтахт бо иттиҳом даст доштан дар тасарруфи беш аз 70 ҳазор сомонӣ боздошт шудааст.

Як сарбози амрикоӣ дар назди сафорати Исроил худро оташ зад

Рӯзи якшанбе, 25-уми феврали соли ҷорӣ як сарбози нерӯҳои ҳавоии Амрико дар назди сафорати Исроил дар Вашингтон худро оташ зад.

Музокироти пинҳонии Тоҷикистон бо Толибон

Мақомоти Тоҷикистон бо намояндаҳои Толибон ба сурати пинҳонӣ дар шаҳри Душанбе мулоқот кардаанд.