26.9 C
Dushanbe

Навори Ғазза зери бомборони шадид қарор гирифт

Шаби 27-ум ба 28-уми октябр Исроил ҳамлаи шидид ва бесобиқаи худро дар қисмати шимолии Навори Ғазза анҷом дод. То ҳол дар бораи талафоти ҷонии ин ҳамла гузориши расмӣ нашудааст.

Ба иттилои расонаҳо, дар натиҷаи ин ҳамлаи густардаи Исроил барқу интернет тамоси телефонҳо дар ин минтақа ба таври комил қатъ шудааст. Ҳатто Созмони ҷаҳонии беҳдошт хабар дод, ки дар пайи ин ҳамлаи Исроил бо ҳамкоронаш дигар тамос барқарор карда наметавонад.

Хабарнигори “Ал-Ҷазира” аз макони бомборон хабар дод, ки дар пайи ин бмоборони шадид қурбониён хеле зиёд ҳастанд, бахусус кӯдакон, вале дақиқ шумори онро маълум накарданд.

Ба иттилои манбаъ, ҷангандаҳои исроилӣ 4 соат бетаваққуф минтақаи шимолии Ғаззаро имшаб бомборон кардаанд. Чандин мушак дар наздикии беморхонаи “Инданезия”, дар шаҳраки Ҷаболияи Ғазза зада шудааст, ки чнадин хонаҳои маскунӣ пурра ва қисман хароб шудаанд.

Дар ҳамин ҳол вазири хориҷаи Урдун Айман Сафадӣ дар ҳисоби Х-и худ навишт, ки Исроил ҳамлаи заминии худро ба Ғазза оғоз кардааст, аммо чанде пас сухангӯи артиши Исроил оғози ҳамлаи замиро рад кард.

Бархе коршиносони низомӣ мегӯянд, шиддат гирифтани ҳамлаҳои Исроил ба Ғазза ба маънои муқаддимаи ҳамлаи заминӣ аст, ҳар лаҳза эҳтимоли оғози он вуҷуд дорад. Вале Эрон, Арабистони Саудӣ ва чандин кишварҳои дигар Исроилро аз ин ҳамла ҳушдор додаанд.

Аммо аз сӯи дигар, гуфта мешавад, байни ҲАМОС ва Исроил гуфтушунидҳо дар мавриди таваққуфи ҷанг ва таслими асирон дар ҷараён аст. Ба гуфтаи таҳлилгарон, агар гуфтушунида аном шуда бошад, зоҳиран ин гуфтушунид бенатиҷа будааст.

Хабарро таблиғ кунед:

БЕШТАР БИХОНЕД
БЕШТАР БИХОНЕД

Мулоқоти Раҳмонов ва Пизишкиён дар Озарбойҷон

Раисҷумҳури худкомаи Тоҷикистон Эмомалӣ Раҳмон бо Президенти Эрон Масъуди Пизишкиён мулоқот кард.

Гармои шадид дар Тоҷикистон сокинонро нигарон кардааст

Рӯзҳои ахир шиддати гармои тобистонӣ дар Тоҷикистон аксари сокинонро нигарон кардааст.

Имомуддин Сатторов сафири Тоҷикистон дар Лаҳистон шуд

Сафири Фавқулода ва Мухтори Ҷумҳурии Тоҷикистон дар Олмон ва Лаҳистон Имомуддин Сатторов эътимодномаи худро ба Президенти Лаҳистон Анджей Дуда супорид.

Толибонро аввалин кишвари дунё расман эътироф кард

Пас аз чор соли ба сари қудрат расидани Толибон дар Афғонистон Русия аввалин кишваре шуд, ки ҳукумати сарпарастро ба расмият шинохт.