Паймони миллии Тоҷикистон бо ирсоли як намо ба Созмони Ҳамкориҳои Шанхай аз афзоиши ҷалби ҷавонони тоҷикитсонӣ ба сафи созмонҳои терруристӣ изҳори нигаронӣ кардааст.
Бино ба иттилои расмӣ, 8-уми январи соли 2024 Муҳиддин Карбирӣ, раиси Паймони миллии Тоҷикистон (ПМТ) ба унвони Созмони Ҳамкориҳои Шанхай ва кишварҳои узви он як нома фиристодаа ст.
Ба қавли манбаъ, раиси ПМТ бо ирсоли номае ба унвони Сомзони Ҳамкориҳои Шанхай ва кишварҳои узви он “аз афзоиши ширкати шаҳрвандони Тоҷикистон дар ҳодисаҳои террористӣ, аз ҷумла дар ҳодисаи хунуни шаҳри Кирмони ҶИИ, онро натиҷаи сиёсатҳои саркубгароёнаи Эмомалӣ Раҳмон, раисҷумҳури Тоҷикистон” изҳори нигаронӣ кардааст.
ПМТ дар номаи худ таъкид кардааст, ки “ҳанӯз 10 сол қабл, коршиносону раҳбарони ҳизбу ҳаракатҳои оппозитсионӣ, аз ҷумла роҳбарияти ҲНИТ ҳушдор дода буданд, ки сиёсатҳои иштибоҳӣ ва ҷоҳталабонаи раҳбарияти Тоҷикистон оқибатҳои бад барои кишвари мо ва минтақа дорад ва боиси рушди ифротгароӣ ва терроризм хоҳад гашт.”
Муҳиддин Кабирӣ дар ин номаи худ ба унвони СҲШ ва кишварҳои узви он гуфтааст: “Боиси таассуф аст, ки равандҳои манфӣ, мисли худкомагӣ, саркубгарӣ, фасод ва хонаводагӣ шудани ҳокимият дар кишвар идома дорад, ки натиҷае ҷуз рушди бештари ифротгароӣ ва терроризм дар Тоҷикистон нахоҳад дошт ва таъсири манфии ин раванд на танҳо ба амнияти кишвари мо, балки ба минтақа ва ҷаҳон ҳам расидааст.”
ПМТ муътақид аст, ки “сиёсатҳои иштибоҳӣ” ва “ҷоҳталабӣ”-и Эмомалӣ Раҳмон дар кишвар ва канор задани нерӯҳои муътадили сиёсӣ ва динӣ боис шудааст, ки мардум ва бахусус ҷавонон аз ворид шудан ба сиёсат бо роҳҳои мусолиматомез дилсард шуда, ба осонӣ ба доми гурӯҳҳои ифротӣ шудаанд ва “натиҷаи ин ҳама имрӯз руйи саҳна омадани ифротгароӣ ва терроризм ба ҷои нерӯҳои муътадили сиёсӣ ва динӣ мебошад.”
Гуфта мешавад, ин номаи раиси Паймони миллии Тоҷикистон ва нигаронии дигар гурӯҳҳои мухолифин ва огоҳони ҷомеа дар ҳоле садо медиҳанд, ки дар тайи ду соли ахир пешмарга шудани ҷавонони тоҷикистонӣ дар амалиётҳои интиҳорӣ дар кишварҳои минтақа ва бахусус Афғонистон ва Эрон хеле зиёд шудааст.
Кор дар ин замина то ҷое расидааст, ки ҳатто Толибон, ки тайи беш аз ду соли ахир қудратро дар Афғонистон дар даст доранд, аз афзоиши ширкати тоҷикистониҳо дар сафи гурӯҳҳои тундрав ва бахусус дар “Хуросон”-шохаи минтақавии ДИИШ дар Афғонистон нигаронӣ карда, Тоҷикистонро ба кишвари тавлиди “террористҳо” муттаҳам кардаанд.