21.9 C
Dushanbe

Номи паҳлавонони тоҷик дар қатори беҳтарин паҳлавонони ҷаҳон

Чор нафар узви дастаи мунтахаби Тоҷикистон оид ба куштӣ шомили 20-гонаи беҳтаринҳои ҷаҳон шуданд. Дар ин бора сомонаи расмии Кумитаи миллии олимпии Тоҷикистон хабар дод.

Бино ба иттилои ин Кумита иттиҳоди ҷаҳонии куштӣ (UWW) радабандии бозбинишудаи беҳтаринҳои ҷаҳонро нашр кард, ки дар 20-гонаи беҳтаринҳо номи чор варзишгари тоҷик – Ҳикматулло Воҳидов, Муҳаммад Икромов, Искандари Рустам ва Мубинҷон Ахмедов низ ворид шудааст.

Ҳамин тариқ дар ин раддабандӣ Муҳаммад Икромов аз вазни 61 кг, ки дар гуштини озод баромад мекунад, дар ҷойи 12-ум қарор дорад. Ҳикматулло Воҳидов бошад мавқеи 13-уми вазни 57 кг-и куштиии озодро дорад. Паҳлавони дигари кишвар Искандари Рустам ҷои 17-уми вазни 97 кг-ро гирифтааст.

Дар тарзи куштии юнонӣ-римӣ як нафар варзишгари тоҷик Ахмедов Мубинҷон – ба 20-гона ворид гардидааст. Ӯ дар мақоми 20-уми вазни 63 кг ҷой дорад.

Маврид ба зикр аст, ки ин ҳар чор варзишгари тоҷик соли гузашта дар Чемпионати Осиё сазовори медал шуда буданд. Ҳикматулло Воҳидов, Муҳаммад Икромов сазовори медали нуқра, Искандари Рустам ва Мубинҷон Ахмедов сазовори медали биринҷӣ гашта буданд.

Ҳамчунин Муҳаммад Икромов дар Ҷоми Ҷаҳон, ки охири соли 2020 дар Белгради Сербия баргузор гардида буд иштирок намуда, ҷои панҷумро сазовор шуд.

Хабарро таблиғ кунед:

БЕШТАР БИХОНЕД
БЕШТАР БИХОНЕД

Боздошти ду тоҷикистонӣ бо гумони ба асорат гирифтани ҳамватани худ

Мақомоти Русия хабар доданд, ки ду шаҳрванди Ҷумҳурии Тоҷикистон бо гумони ба асорат гирифтан ва латтукӯби як ҳамватани худ боздошт шудаанд.

Русия мехоҳад бештар хориҷиёнро ба ҷанги зидди Украина барад

Дар наздиктарин фурсат дар Русия қонуни наве қабул мешавад,...

Оё низоми таҳсили 12-сола метавонад сифати таҳсилро беҳтар кунад?

Вазорати маориф ва илми Ҷумҳурии Тоҷикистон масъалаи гузариш ба низоми таҳсили 12-соларо ҷорӣ карданӣ аст.

Чаро кишварҳои ҳамсоя афғонҳоро ихроҷ мекунанд?

Ба иттилои мақомоти Толибон, Эрон зарфи як моҳ беш аз 500 ҳазор муҳоҷири афғонистониро ихроҷ кардааст.