Манобеи хабарии Афғонистон аз мувофиқати гурӯҳи толибон барои оғози музокироти сулҳи байни афғонӣ хабар доданд.
Бинобар гузориши хабаргузории “Орёно нюз” толибон пешниҳоди Кобулро барои сулҳи байни афғонӣ пазируфтанд. Ва макони даври аввали музокиротро дар давлати Қатар интихоб намуданд.
Сухангӯи Шӯрои амнияти миллии Афғонистон рӯзи сешанбе зимни нишасти хабарӣ эълом кард, ки 3000 толибони зиндониро озод карданд ва умедворанд, ки бо ин амал роҳро барои музокирот байни гурӯҳҳои афғонӣ боз кардаанд. Ин дар ҳолест, ки хабаргузориҳои Афғонистон имрӯз дасти кам аз захмӣ шудани панҷ низомӣ дар даргириҳои мусаллаҳона байни нерӯҳои артиши ин кишвар ва аъзоёни толибон дар вилояти Ғазнӣ хабар медиҳанд.
Ҳамзамон тибқи гузориши “Орёно нюз” имрӯз чаҳоршанбе 10 июн дар натиҷаи як амалиёти хос нерӯҳои вижаи Амнияти миллӣ дар вилояти Нангарҳор як ҳавопаймои ҷангии бесарнишин ва силоҳҳои сабуку вазнини толибон ба дасти нерӯҳои амниятӣ афтоданд.
Хонандагони азиз, лутфан, ҳар хабару гузоришеро, ки мушоҳида мекунед ва ё пешниҳоду суоле доред, метавонед онро ба мо, тариқи почтаи электронӣ, Telegram, WhatsApp , Viber ва Imo ба ин рақам: +48519767404 бифиристед.