21.9 C
Dushanbe

Оғози фаъолияти Бунёди ҳуқуқии “Бузургмеҳр”

Бунёди “Бузургмеҳр”, ки аз ҷониби хешу наздикони маҳбусони сиёсии Тоҷикистон берун аз кишвар таъсис ёфтааст, аз оғози фаъолияташ хабар дод.

Ҷамшед Ёров, адвокат ва бародари Бузургмеҳр Ёров, ки раҳбарии ин Бунёдро ба уҳда дорад, дар суҳбат бо Azda.tv гуфт, баъд аз талошҳои зиёди наздикони маҳбусони сиёсӣ, ки берун аз Тоҷикистон қарор доранд, муяссар шуд, ки ин Бунёдро ба расмият шиносанд ва ҳоло дар Лаҳистон кору фаъолиятро шуруъ кардаанд.

Ёров мегӯяд, ки “Бунёди “Бузургмеҳр” ташкилоти ҳуқуқӣ буда, бо мақсади баланд бардоштани сатҳи дониши ҳуқуқии мардум, расонидани ёрии ҳуқуқӣ ба ниёзмандон, баррасӣ ва расонавӣ кардани қазияҳои маҳбусони сиёсӣ ва афродe, ки таҳти таъқиб қарор доранд, инчунин мониторинги вазъи ҳуқуқи башар дар Тоҷикистон таъсис ёфтааст.”

Ҷамшед Ёров таъкид мекунад, ки “фаъолияти Бунёд бештар ба самти кор бо парвандаи маҳбусони сиёсӣ ва афродe, ки барои фаъолиятҳои ҷамъиятиву сиёсияшон таҳти таъқиб қарор гирифтаанд, равона шудааст. Чун ин гурӯҳ дар дохили Тоҷикистон осебпазир буда, аз ҳуқуқашон касе ҳимоят намекунад ва касе масъалаи онҳоро баррасӣ ва расонаӣ намекунад”.  

Ба гуфтаи масъулон, Бунёд расман дар Лаҳистон сабти ном шуда, ба хотири маҳбуси сиёсии тоҷик, дорандаи ҷоизаи “Homo Homini-2019”, ҷоизаи ба номи “Файзинисо Воҳидова-2019” ва дипломи “Ҷоизаи Ватслав Ҳавел -2019”, адвокати шинохтаи тоҷик Бузургмеҳр Ёров номгузорӣ шудааст.

Бузургмеҳр Ёров маҳбуси сиёсӣ ва адвокати шинохтаи тоҷик соли 2016 бо ҳукмҳои сохта, аз ҷумла  даъвати оммавӣ ба тағйири ҳукумат, сохтакории санаду қаллобӣ ба 23 соли зиндон маҳкум шуда буд. Додгоҳ баъдан ба ҳукми ӯ барои “таҳқири намояндаи ҳокимият ва президент” 5 соли дигар изофа кард. Худи Бузургмеҳр Ёров ва наздиконаш ин иттиҳомотро беасос номида, мегӯянд, ӯ барои фаъолиятҳои адвокатияш равонаи зиндон шудааст.

СММ ва дигар созмонҳои ҳуқуқи башар раҳоии бе қайду шарти ӯро аз ҳукумати Тоҷикистон хоста буданд, аммо мақомоти тоҷик то ҳол ин талаби созмонҳоро иҷро накардааст.

Хабарро таблиғ кунед:

БЕШТАР БИХОНЕД
БЕШТАР БИХОНЕД

Боздошти се нафар бо иттиҳоми қаллобӣ дар Душанбе

Вазорати корҳои дохилии Тоҷикистон аз боздошти се нафаре хабар дод, ки ба иддаои ин ниҳод, онҳо бо роҳи фиреб додани мардум пулҳои калоне ба даст меовардаанд.

Марги се ҳоҷии тоҷик ҳангоми адои Ҳаҷ

Се нафар аз зоирони тоҷикистонӣ ҳангоми адои фаризаи Ҳаҷ дар Арабистони Саудӣ вафот кардаанд.

Дар ду рӯз 3 кӯдаки ноболиғ ғарқ шуд, кӣ гунаҳкор аст?

Рӯзҳои 16 ва 17-уми июни соли ҷорӣ дар Тоҷикистон се кӯдаки ноболиғ ғарқ шуданд, ки хурдтарини онҳо якунимсола буд.

Дар Русия пулис ҳам метавонад муҳоҷиронро ихроҷ кунад

Аз ин ба баъд пулиси Русия метавонад шаҳрвандони хориҷие, ки даст ба қонуншиканӣ задаанд, бидуни қарори додгоҳ аз Русия ихроҷ кунанд.