14.9 C
Dushanbe

Нигаронии Оқохони IV аз вазъ дар ВМКБ

Шоҳзода Карим Оқохони IV, бо паёме ба пайравонаш дар Тоҷикистон аз вазъи Вилояти Мухтори Кӯҳистони Бадахшон (ВМКБ) изҳори нигаронӣ кардааст.

Оқохон аз пайравонаш хостааст, ки қонунро риоя кунанд ва дар барқарории сулҳу оромӣ ба мақомот кумак намоянд. Ин паёми раҳбари исмоилиёни ҷаҳон ба унвони роҳбарони сохторяҳояш равона шуда, рӯзи 17-уми январ дар сомонаи “The Ismaili” нашр шудааст.

Дар он гуфта мешавад, ки ӯ  мисли ҳамеша вазъияти ҳозираро зери назорати худ қарор додааст ва дар мавриди зарурӣ “роҳнамоии минбаъда”-ро мефиристад. Аммо айни замон аз пайравонии тоҷикистонияш хоста, “дар ҳеҷ фаъолияте, ки боиси халалдор гардидани барқарории сулҳ ва назму тартибот мегардад, ширкат накунанд”.

“Ман ҳамеша ба ҷамоатҳои худ маслиҳат додаам, ки ба анъанаи мо содиқ бошанд ва ба қонуни кишваре, ки дар он зиндагӣ мекунанд, эҳтиром гузоранд” – мегӯяд дар паёмаш Шоҳзода Карим Оқохони IV.

Ҳамчунин ӯ хостааст, ки аз паҳн намудани ҳар гуна овозаҳо ва иттилооти бардурӯғ, ки метавонанд боиси паёмадҳои харобиовар бошад, худдорӣ кунанд.

Оқохони IV дар охир аз ҷамоати худ даъват кардааст, ки муттаҳид бошанд, аз ҷумла бо онҳое, ки дар миёни онҳо зиндагӣ мекунанд ва ҳамеша дар беҳбуди сифати зиндагӣ ҳамдигарро дастгирӣ кунанд.

Ёдовар мешавем, ки моҳи ноябри соли гузашта дар ноҳияи Роштқалъаи ВМКБ ҳангоми боздошт, сокини ин ноҳия Гулбиддин Зиёбеков аз ҷониби кормандони мақомот кушта шуда буд, ки боиси норозигии мардуми маҳаллӣ ва гирдиҳаоиҳо гардида буд.

Аз 25 то 28-уми ноябр бо иштироки то ҳазорҳо нафар гирдиҳамоиҳо баргузор шуданд.  Дар ин рӯзҳо ду сокини вилоят Тутишо Амиршоев ва Гулназар Муродбеков кушта шуда, чанд нафари дигар ҷароҳат бардоштанд.

Хабарро таблиғ кунед:

БЕШТАР БИХОНЕД
БЕШТАР БИХОНЕД

Ҷузъиёти боздошти Сулаймон Давлатов аз забони вакили дифоаш

Сабаби боздошти Сулаймон Давлатов, яке аз фаъолони сиёсӣ ва паноҳанда дар Литва, ки рӯзи ҷумъаи гузашта боздошт шуда буд, маълум шуд.

Навори нави чор гумонбари ҳамла ба “Крокус”

Хадамоти федералии амнияти Русия навори ыадиде аз бозпурсии чаҳор гумонбари ҳамлаи террористӣ ба "Крокус Сити Ҳолл"-и Красногорскро нашр кард.

То 600 сомонӣ ҷарима барои идгардаки кӯдакон дар Тоҷикистон

Вазорати маориф ва илми Ҷумҳурии Тоҷикистон бо судури қароре идгардакро дар рӯзи иди Рамазон барои кӯдакони боғча то донишомӯзони мактабу донишҷӯён мамнуъ эълон кад.

Боздошти Сулаймон Давлатов дар Литва

Мақомоти Литва Сулаймон Давлатов, як фаъоли сиёсии тоҷик ва паноҳанда дар ин кишварро боздошт кард.