Ба гузориши ожонсии иттилоотии “Ховар” дар шабонарӯзи гузашта дар ҳудуди Ҷумҳурии Тоҷикистон 49 ҳолати нави сироятёбӣ ба COVID-19 сабт гардидааст. Тибқи омори расмии Маркази матбуоти Вазорати тандурустӣ ва ҳифзи иҷтимоии аҳолии Тоҷикистон аз оғози эълони мавҷудияти каронавирус дар Тоҷикистон, 30-юми апрел то 6-уми июл 6262 нафар ба ин вирус гирифтор шуда 53 нафар ҷон бохтанд ва 4914 тан шифо ёфта аз бемористонҳо мураххас шудаанд.
Аммо торнамои фаолони шаҳрвандӣ (kvtj.info), ки маълумоти маргу мир аз COVID-19 дар Тоҷикистонро тартиб медод, тибқи охирин маълумоташ, ки дар таърихи 14-6-2020 нашр шудааст, шумори фавтидагонро 437 нафар навиштааст.
Аммо баъд аз пешниҳод шудани қонуни “ҷазо барои ахбори ғалат” ба парлумони кишвар, ба назар мерасад, ки ин торнамо дигар аз ҷамъоварии ахбори маргу мир даст кашидааст. Ба андешаи коршиносон мақомоти дахлдор маълумоти дурустро дар мавриди гирифторон ва фавтидагони COVID-19 барои мардум пешкаш намекунанд. Ва акнун пас аз имзои ин қонун, ки рӯзи 5-уми июли соли ҷорӣ аз ҷониби раисҷумҳур Эмомалӣ Раҳмон тасдиқ ёфт, боз ҳам дастрасӣ ба маълумоти саҳеҳ дар мавриди каронавирусро маҳдудтар кард.
