30.9 C
Dushanbe

Ошкор шудани “ҷиноятҳои ҷангӣ”-и кормандони ВКД дар Бадахшон

Кормандони мақомоти қудратии Тоҷикистон дар рафти “амлиётҳои махсус”-и худ дар Вилояти Мухтори Кӯҳистон Бадахшон даст ба “ҷиноятҳои ҷангӣ” задаанд.

Имрӯз, 14-уми июли соли 2022, наворе дар шабакаҳои иҷтимоӣ роҳ ёфта, ки нишон медиҳад, кормандони “ОМОН”-и Вазорати корҳои дохилии Тоҷикистон бо ҷасадҳои беҷони 5 тан аз сокинони мулкӣ дар ноҳияи Рӯшони Вилояти Мухтори Кӯҳистони Бадахшон саҳнасозӣ мекунанд.

Дар ин саҳнасозӣ, ки ҳудуди 90 сонияи он ба сурати махфӣ филмбардорӣ шудааст, ба вузӯҳ дида мешавад, ки кормандони “ОМОН” ҷасадҳои беҷони ин афроди кушташударо аз ҷойҳои дигар оварда паҳлӯи ҳам мехобонанд ва барои муваҷҷаҳ сохтани ҷиноятҳои худ ба дасти онҳо силоҳ ҳам мегузоранд.

Бону Анора Саркорова, журналисти шинохтаи тоҷик бо нашри ин навор дар саҳфаи телегарамии худ зери унвони “

Ҳукумат аз ин саҳнасозӣ ва тасвирҳои он дар шабакаҳои иҷтимоӣ ва телевизионҳои давлатӣ хеле сӯиистифода намуд ва пайваста иддао мекард, ки ин афроди кушташуда мусаллаҳ буданд ва алайҳи кормандони мақомоти қудратӣ муқовимат нишон доданд, аммо ин навор дурӯғ будани ҳамаи он иддаоҳои мақомот ва ҳукуматро нишон медиҳад.

Аз сӯи дигар, бо дидани ин навор, бинанда худ шоҳиди он мешавад, ки осори шиканҷа дар сару рӯи аксари ин афроди мулкӣ вуҷуд дорад ва бархе аз онҳо ҳам аз ноҳияи сар ва ҳам аз ноҳияи пойҳояшон захмӣ шуда, ҳамоно хуни онҳо аз ҷасадҳои беҷонашон ҷорӣ мешавад.

Инчунин дар ин навор, дида ва хуб шунида ҳам мешавад, ки худи кормандони “ОМОН”-и Вазорати корҳои дохилӣ ду нафарӣ ва чор нафарӣ ҷасдаҳоро аз ҷойҳое дигар кашонда меоранд ва бо садои баланд ҳам ҳаёҳу карда мегӯянд, ки “сарша бар усн”, “уша биёр”, “иша қафо кн”, “писталета дар дастш мон”, “камтар қафо бест”, “криша тоза кардагӣ нест” ва ғайра.

Гуфта мешавад, мақомоти Тоҷикистон дар моҳи майи соли ҷорӣ дар чанд амлиёти худ дар Вилояти Мухтори Кӯҳистони Бадахшон, бахусус дар шаҳри Хоруғ ва ноҳияи Рӯшон ҳудуди 70 нафарро ба сурати бераҳмона куштанд ва беш аз сесад каси дигареро ҳам боздошту бозпурсӣ ва қисме аз онҳоро равонаи зиндон карданд.

Ин қатлҳои занҷирваӣ ва оми сокинон дар Бадахшон вокунишҳои зиёдеро дар сатҳи минтақа ва ҷаҳон ба вуҷуд овард ва ахиран ҳам Парлумони Аврупо бо аксарияти оро ин кирдорҳои ҳукуматро маҳкум карда буд.

Хабарро таблиғ кунед:

БЕШТАР БИХОНЕД
БЕШТАР БИХОНЕД

Кумаки 141 миллионии ИА ба Тоҷикистон

Иттиҳоди Аврупо эълон кардааст, ки зиёда аз 140 миллион евро ба Тоҷикистон кумак мекунад.

Рушди беш аз 8%-и иқтисоди Тоҷикистон

Гузоришгарони Бонки ҷаҳонӣ мегӯянд, рушди иқтисоди Тоҷикистон дар 16 моҳи ахир беш аз 8% тавсеа ёфтааст.

Баррасии ҳамкориҳои Тоҷикистон ва Иттиҳоди Аврупо

Мақомоти боломақоми Тоҷикистон ва Иттиҳоди Аврупо дар бораи ҳамкориҳои дирӯз ва имрӯзи худ гуфтугӯ карданд.

Шикояти мардум аз беобӣ дар Тоҷикистон

Бархе сокинони шаҳри Бохтар, маркази вилояти Хатлон мегӯянд, ки чор моҳ боз мардум аз беобӣ азият мекашанд ва касе дар вилоят ба доди онҳо намерасад.