30.9 C
Dushanbe

Падару писар дар маросими ифтитоҳи се мактаб ширкат карданд

Эмомалӣ Раҳмон, раисҷумҳури Тоҷикистон ва писараш Рустами Эмомалӣ, раиси шаҳри Душанбе ва раиси Маҷлиси миллии Маҷлиси Олӣ дар маросими ифтитоҳи бинои се мактаб дар шаҳри Душанбе ширкат карданд.

Имрӯз, 31-уми август дар ноҳияи Исмоили Сомонӣ бо иштироки президент ва раиси шаҳри Душанбе ифтитоҳи бинои нави мактаби рақами 12, ки барои қабули 1,5 ҳазор хонанда дар ду баст пешбинӣ шудааст, сурат гирифт.

Бино ба иттилои дафтари матбуотии раисҷумҳур, бинои нави мактаби рақами 12 бо маблағгузории мақомоти иҷроияи ҳокимияти давлатии шаҳри Душанбе сохта шудааст.

Инчунин падару писар дар маросими ифтитоҳи бинои иловагии мактаби рақами 48-и ноҳияи Шоҳмансур, ки барои 1280 хонанда дар ду баст пешбинӣ шудааст, ширкат карданд.

Гуфта мешавад, дар ноҳияи Сино низ “Литсейи Умари Хайём” барои 1200 нафар хонанда дар як баст ба истифода дода шудааст.

Иштирок дар маросими ифтитоҳи биноҳои мактабҳо, мағозаҳо ва ё корхонаву майдончаҳои варзишӣ барои Эмомалӣ Раҳмон ба як анъана табдил ёфта, ҳангоми сафарҳояш ба минтақаҳои гуногуни кишвар дар маросими пардабардорӣ ва ё кушодашавӣ мағозаҳо ҳам ширкат мекунад.

Хабарро таблиғ кунед:

БЕШТАР БИХОНЕД
БЕШТАР БИХОНЕД

Ифтитоҳи бузургтарини масиҷиди Тоҷикистон бо ҳузури амири Қатар

Дар назар аст рӯзҳои наздик амири давлати Қатар шайхи Тамим бин Ҳамад Оли Сонӣ бо сафари расмӣ ба Тоҷикистон биёяд.

Баррасии ҳамкориҳои Тоҷикистон ва Бонки ҷаҳонӣ

Раҳбарони сатҳи олии Тоҷикистон ва Бонки ҷаҳонӣ масълаҳои ҳамкории дуҷонибаи худро дар шаҳри Душанбе мавриди баррасӣ қарор доданд.

Баъд аз боздошту латтукӯби муҳоҷирон Лавров ба Тоҷикистон меравад

Сергей Лавров, вазири корҳои хориҷии Русия бо як сафари кории ду рӯза озими Тоҷикистон мешавад.

Додгоҳ эътироф кард, ки Розиқов бо шиканҷа кушта шудааст

Додгоҳи шаҳри Кӯлоб эътироф карда, ки Абдуқаҳҳор Розиқови 37-сола,...