32.9 C
Dushanbe

Поёни нишасти ҳайатҳои Тоҷикистону Қирғизистон

Нишасти навбатии гурӯҳҳои кории Тоҷкистону Қирғизистон оид ба муайян кардани хати сарҳадот ва нишонагузории марзҳои муштарак анҷом шуд.

Имрӯз, 7-уми апрели соли 2023, Вазорати корҳои хориҷии Тоҷикистон хабар дод, ки “рӯзҳои 1 – 7 апрели соли 2023 вохӯрии навбатии гурӯҳҳои кории топографӣ ва ҳуқуқии ҳайатҳои ҳукуматии Ҷумҳурии Тоҷикистон ва Ҷумҳурии Қирғизистон оид ба делимитатсия ва демаркатсияи сарҳади давлатӣ” дар Бишкек баргузор гардид.

Ба қавли манбаъ, дар рафти ин нишасти 7-рӯза “ҷонибҳо муҳокимаи масоили делимитатсионии сарҳади давлатии Тоҷикистону Қирғизистонро дар вохӯриҳои минбаъда идома медиҳанд.”

Дастгоҳи диплумосии Тоҷикистон таъкид кардааст, ки “вохӯрӣ дар фазои дӯстӣ ва ҳамдигарфаҳмӣ баргузор шуд” ва мулоқоти навбатии гурӯҳҳои корӣ дар Тоҷикистон ба нақша гирифта шудааст.

Аммо на ҷониби Тоҷикистон ва на ҷониби кишвари ҳамсоя дар бораи ҷузъиёти ин нишастҳои ахири худ, ки 7 рӯз идома ёфт, чизе нагуфтаанд.

Гуфта мешавад, Тоҷикистону Қирғизистон 970 километр марзҳои муштарак доранд ва бо сабаби тақсимоти ноодилонаи Иттиҳоди Ҷамоҳири Шӯравӣ, ба иҷора додани заминҳои манотиқи дигар ҷонибҳо, бо гузашти беш аз 30 соли истиқлоли ин кишварҳо аз ИҶШ ҳамоно натавонистаанд, ки баҳсҳои марзӣ, ки дар солҳои гузашта борҳо сабаби танишҳои сиёсӣ ва ҳарбӣ гардида буд, пурра муайян ва аломатгузорӣ кунанд.

Хабарро таблиғ кунед:

БЕШТАР БИХОНЕД
БЕШТАР БИХОНЕД

Мишустин аз густариши ҳамкориҳои Русия бо Тоҷикистон гуфт

Михаил Мишустин, сарвазири Русия дар суҳбат бо ҳамтои тоҷикаш...

Трамп расман ба даст доштан дар ҷинояти нав муттаҳам шуд

Доналд Трамп, собиқ раисҷумҳури Амрико аз сӯи Вазорати додгустарии ин кишвар дар парвандаи нигаҳдории асноди маҳрамонаи давлатӣ пас аз поёни давраи президентияш муттаҳам мешавад.

Мулоқоти сафири Тоҷикистон бо Додситони кулли Туркия

Ашрафҷон Гулов, домоди Эмомалӣ Раҳмон ва сафири Тоҷикистон дар Туркия, 8-уми июни соли ҷорӣ бо Додситони кулли Туркия Бекир Шоҳин мулоқот карда, ба густариши ҳамкориҳо таъкид кард.

Ифтитоҳи бузургтарин масҷиди Осиёи Марказӣ дар Тоҷикистон

Бузургтарин масҷиди Осиёи Марказӣ бо ҳузури Амири давлати Қатар Шайх Тамим ибни Ҳамад Оли Сонӣ ва Эмомалӣ Раҳмон, Президенти Тоҷикистон дар шаҳри Душанбе мавриди баҳрабардорӣ қарор гирифт.