Раисҷумҳури Русия Валидимир Путин таъкид намудааст, ки барои бори сеюм пайдарҳам пешбарӣ намудани номзадиашро аз эҳтимол дур намедонад, албатта, дар сурати ворид сохтани тағйиру иловаҳо дар Қонуни интихобот, ки қарор аст моҳи июл анҷом шавад ва ба ӯ ҳақи дигарбора пешбарӣ карданро бидиҳад.              

Бино ба гузориши “ТАСС” Путин дар мусоҳибаи худ бо шабакаи “Русия 1” гуфтааст: аисҷумҳури Русия Валидимир Путин  “Ҳоло ба қарори муайяне наомадам, вале дар сурате, ки қонун иҷозат диҳад, номзадиямро барои пешбарӣ кардан аз эҳтимол дур намедонам, баъдтар мебинем чӣ мешавад”.

Путин дар хитоб ба масъулини ҳукумати Русия аз онҳо хост, бар ивази он ки аз ҷойнишинҳои эҳтимолии ӯ дар курсии раёсатҷумҳурӣ ҷустуҷӯ кунанд, ба корҳои худ бирасанд беҳтар аст.

Раисҷумҳури Русия Валидимир Путин мегӯяд: “Бо сароҳат мегӯям – ва ин чизест, ки аз таҷрибаам медонам: агар тағйире дар Қонуни асосӣ (оиди интихобот) сурат нагирад, аксарият дар сатҳҳои гунонги давлат баъд аз ду сол бар ивази он ки ба корҳои худ хубтар расидагӣ кунанд, бо саъю талош дар ҷустуҷӯи ҷойнишинҳои эҳтимолии ман мешаванд”.

Қарор аст дар Русия аввалҳои моҳи июли соли равон раъйпурсии умумӣ (референдум) оиди ворид сохтани тағйиру иловаҳо дар Қонуни асосии Русия сурат бигирад. Путин як идда тағиру иловаҳоеро барои ворид сохтан ба Қонуни асосии Русия дар моҳи январ аввали соли равон дар паёмаш ба Шӯрои Федератсия, маҷлиси болоии палатаи парлумонии ФР фиристода буд.                                                  Дар сурати пуштибонӣ ёфтани тағйирот ба Қонуни асосии Русия барои Путин фурсат медиҳад, ки бори дигар номзадияшро пешбарӣ кунад ва то соли 2030 курсии перзидентиро соҳибӣ намунада, зимоми қудартро ба даст гирад.

Ёдрас мекунем, ки референдум барои тағйиру иловаҳо дар Русия баъд аз тасвиби Додгоҳи Қонуни асосӣ ва парлумон тибқи нақша бояд 22 юми апрел сурат мегирифт, вале бо сабаби интишори вируси КОВИД-19 таърихи баргузории он ба таъхир гузошта шуд ва эҳтимол аст охири ҳафтаи ҷорӣ то якуми июл баргузор гардад.

Хонандагони азиз, лутфан, ҳар хабару гузоришеро, ки мушоҳида мекунед ва ё пешниҳоду суоле доред, метавонед онро ба мо, тариқи почтаи электронӣ, Telegram, WhatsApp , Viber ва Imo ба ин рақам: +48519767404 бифиристед.