16.9 C
Dushanbe

Путин ба Тоҷикистон рафтанист

Вазорати корҳои хориҷии Тоҷикистон мегӯяд, ки қарор аст рӯзҳои наздик Президенти Русия бо сафари расмӣ ба Душанбе биояд.

Акс аз манбаъҳои боз

5-уми сентябри соли 2022 Вазорати корҳои хориҷии Тоҷикистон хабар дод, ки Сироҷиддин Муҳриддин бо Сергей Лаврой “масъалаҳои омодагӣ ба сафари расмии дарпешистодаи Президенти Федератсияи Русия В.Путин ба Ҷумҳурии Тоҷикистонро баррасӣ карданд.”

Ба қавли манбаъ, вазирони корҳои хориҷии Тоҷикистону Русия дар Маскав “тавофуқ” карданд, ки “ҳамоҳангсозии вазоратҳои хориҷа пас аз анҷоми мутобиқкунии бастаи асноди дуҷониба, ки мавриди баррасӣ қарор доранд, идома ёбад.”

Бори охир Президенти Русия дар моҳи июли соли ҷорӣ бо анҷоми як сафари корӣ вориди Душанбе гардида буд, ки Презединети Тоҷикистон барои якшаба меҳмондорӣ кардани ӯ тоннаҳо меву сабзиҷотро ба намоиш гузошта буд.

Гуфта мешавад, пас аз оғози ҳамлаҳои Русия ба Украина ва ҷорӣ шудани таҳримҳои зиёде алайҳи Кремлин Влдамири Путин нахустини сафари хориҷии худро ба Тоҷикистон анҷом дода, сипас ба Туркманистон рафта буд.

Эҳтимол меравад, сафари навбатӣ ва қарибулвуқуи Президенти Русия ба Тоҷикистон дар даҳаи аввали моҳи оянда баргузор шавад, зеро Эмомалӣ Раҳмону Владимир Путин яке баъд аз дигар дар рӯзҳои 5 ва 6-уми октябр зодрӯз доранд ва ба баҳонаи ин “сафари расмӣ” онҳо зодрӯзҳои худро ҳам якҷоя ҷашн хоҳанд гирифт.

Хабарро таблиғ кунед:

БЕШТАР БИХОНЕД
БЕШТАР БИХОНЕД

Идомаи “рейд”-и муҳоҷирон дар Русия

Ҳафтаи дуюм аст, ки дар шаҳру ноҳияҳои Федератсияи Русия...

Боздошти собиқ раиси Тоҷик-Эйр

Мақомоти Тоҷикистон собиқ раиси Фурӯдгоҳи байналмилалии шаҳри Душанбе ва ширкати ҳавопаймойи "Тоҷик-Эйр"-ро боздошт кардаанд.

Сиёсати ҷанг ё идораи об?

Дар натиҷаи набардҳои ба вуҷуд омада дар минтақаҳои ҳаммарзи Афғонистон ва Эрон дасти кам се нафар кушта ва даҳҳо каси дигар аз ду тараф ҷароҳат бардоштанд.

Аз истирдоди як тоҷик ба Душанбе пешгирӣ шуд

28-уми майи соли ҷорӣ аз истирдоди паноҳҷӯи тоҷик Сорбон Абдураҳимзодаи 30-сола аз Варшава ба Душанбе пешгирӣ шуд.