33.9 C
Dushanbe

Путин ҷумҳуриҳои Луганск ва Донетскро ба расмият шинохт

Шоми рӯзи 21-уми феврал Раисҷумҳури Русия Владимир Путин ду ҷумҳурии ҷудоихоҳи Луганск ва Донетск дар шарқи Украинаро ба расмият шинохт.

Акс аз “РИА Новости”

Пас аз ба арсмият шинохтани ин ду ҷумҳурии ҷудоихоҳ аз Украина Путин бо онҳо тавофуқоти ҳамкорӣ дар соҳаи иқтисодӣ ва низомиро ба имзо расонд. Дар пайи ин амалкарди Путин Ғарб ва Амрико фавран вокуниш нишон дода, аз ҷорӣ намудани таҳримҳои иқтисодии бузург алайи Русия хабар доданд.  

Гуфта мешавад, Раисҷумҳури Русия пеш аз имзои санади ба расмият шинохтани ин ду ҷумҳурии ҷудоихоҳ бо сарони баъзе аз кишварҳои аврупоӣ, аз ҷумла садри аъзами Олмон Олаф Шолтс ва Раисҷумҳури Фаронса Эмануэл Макрон телефонӣ суҳбат карда, аз ин иқдомаш онҳоро огоҳ кардааст.

Дар пайи ин иқдоми Русия Президенти Украина Владимир Зеленски ин онро ҳамла ба тамомияти арзии худ хонд ва ҷамъе аз давлатҳои Аврупо ва кишварҳои узви НАТО низ ҳамбастагии худро бо Укроин эълом карданд.

Тоҷикистон ва дигар кишварҳои узви Иттиҳоди кишварҳои муштаракулманофеъ, ки собиқ кишварҳои Шӯравӣ ва алъон ҳам зери чатри Русия қарор доранд, ҳар чанд Укроинро шарики худ медонанд, вале то кунун дар бораи ин иқдоми Русия расман вокуниш накардаанд.

Хабарро таблиғ кунед:

БЕШТАР БИХОНЕД
БЕШТАР БИХОНЕД

Мулоқоти Раҳмонов ва Пизишкиён дар Озарбойҷон

Раисҷумҳури худкомаи Тоҷикистон Эмомалӣ Раҳмон бо Президенти Эрон Масъуди Пизишкиён мулоқот кард.

Гармои шадид дар Тоҷикистон сокинонро нигарон кардааст

Рӯзҳои ахир шиддати гармои тобистонӣ дар Тоҷикистон аксари сокинонро нигарон кардааст.

Имомуддин Сатторов сафири Тоҷикистон дар Лаҳистон шуд

Сафири Фавқулода ва Мухтори Ҷумҳурии Тоҷикистон дар Олмон ва Лаҳистон Имомуддин Сатторов эътимодномаи худро ба Президенти Лаҳистон Анджей Дуда супорид.

Толибонро аввалин кишвари дунё расман эътироф кард

Пас аз чор соли ба сари қудрат расидани Толибон дар Афғонистон Русия аввалин кишваре шуд, ки ҳукумати сарпарастро ба расмият шинохт.