21.9 C
Dushanbe

Рӯйхати “сиёҳ”-и муҳоҷирон дар Русия

Мақомоти Русия бо нашри чанд феҳрист гуфтаанд, ки дар байни касоне, ки бархе қонуну қоидаҳои ин кишварро роия намекунанд, зиёда аз сад ҳазор тоҷикистонӣ низ вуҷуд дорад.

Бино ба иттилои расмӣ, Вазорати меҳнат, муҳоҷират ва шуғли аҳолии Тоҷикистон бо нашри як “хабари фаврӣ” гуфтааст, ки Вазорати корҳои дохилии Русия “низоми махсуси ихроҷ (депортатсия)-ро ҷорӣ намудааст”.

Ба қавли манбаъ, дар байни касоне, ки Вазорати корҳои дохилии Русия онҳоро “ҳамчун қонунвайронкунанда” дар ҳудуди ин кишвар сабти ном кардааст, “зиёда аз 123 ҳазор шаҳрванди Ҷумҳурии Тоҷикистон” низ ҳузур доранд.

Вазорати меҳнат, муҳоҷират ва шуғли аҳолии Тоҷикистон ба хитоб касоне, ки дар ин рӯйхатҳои “сиёҳ”-и Русия қарор гирифтаанд, ё ихроҷ шудаанд ва ё хатари ихроҷ аз ҳудуди ин кишвар онҳоро таҳдид мекунад, тавсия додааст, ки “нусхаи шиносномаи хориҷии худро бо нишон додани муҳри убури сарҳад бо мақсади аз рӯйхати мазкур баровардан ба мақомоти муҳоҷирати ҷойи зисти худ дар шаҳру ноҳияҳои ҷумҳурӣ пешниҳод  намоянд.”

Инчунин ин вазорат ба касоне, ки “дорои душаҳрвандӣ- Ҷумҳурии Тоҷикистон ва Федератсияи Россия ҳастанд ва ё қонунӣ фаъолияти меҳнати менамоянд ва дар ин рӯйхати “сиёҳ” қарор гирифтаанд, низ тавсия додааст, ки “ҳатман нусхаи шиносномаи худро ба Намояндагии Вазорат дар ФР оид ба муҳоҷират пешниҳод намоед.” 

Дар байни касоне, ки дар ин рӯйхати сиёҳ қарор гирифтаанд, ки сокинони вилояти Хатлон бо 53 ҳазору 703 нафар дар мақоми аввал, сокинони шаҳру ноҳияҳои тобеи марказ бо 31 ҳазору 604 нафар мақоми дувум, сокинони вилояти Суғд бо 26 ҳазору 385 нафар дар ҷои сеюм, сокинони шаҳри Душанбе бо 7 ҳазору 828 нафар зинаи чорум ва сокинони Вилояти Мухтори Кӯҳистони Бадахшон ҳам бо 3 ҳазору 563 нафар дар ҷоии ахир қарор гирифтаанд.

Гуфта мешавад, мақомоти Русия пас аз ворид кардани тағйиру иловаҳо ба қонунҳои федералӣ дар бораи будубоши шаҳрвадони хориҷӣ дар Русия интизор меравад, ки иҷрои ин қонунҳо аз 5-уми феврали соли 2025 эътибори қонунӣ пайдо кунанд. 

Хабарро таблиғ кунед:

БЕШТАР БИХОНЕД
БЕШТАР БИХОНЕД

Фишори кишварҳои ғарбӣ болои Исроил натиҷа медиҳад?

Бархе аз кишварҳои аврупоӣ ва ғарбӣ аз омодагии худ барои ҷорӣ кардани таҳримҳо болои Исроил хабар доданд.

Зикри номи рӯзноманигорони зиндонии тоҷик дар нишасте дар Олмон

Рӯзи 20-уми майи соли ҷорӣ мудири расонаи Azda TV...

20 ҳазор ҷавон дар ҷабҳа – шаҳрвандӣ ба ивази иштирок дар ҷанги зидди Украина

Мақомоти Русия эълон карданд, ки 20 ҳазор муҳоҷире, ки шаҳрвандии Русияро ба даст овардаанд, ҳоло дар сафи пеш бо Украина меҷанганд.

Омодагии низомӣ барои қувваҳои захиравӣ дар Тоҷикистон. Сабаб чист?

Дар ноҳияҳои наздимарзии вилояти Хатлон давраҳои омодагии ҳарбӣ барои қувваҳои захиравӣ ва сокинони маҳаллӣ оғоз шудааст.