20.9 C
Dushanbe

Рӯзи баргузории Иди Қурбон дар Тоҷикистон маълум шуд

Шӯрои уламои Маркази исломии Тоҷикистон дар ҷаласаи ахираш рӯзи баргузории Иди Қурбонро эълон кард.

Рӯзи 11-уми июни соли ҷорӣ Шӯрои уламои Маркази исломии Тоҷикистон ҷаласаи навбатии худро баргузор кард. Гуфта мешавад, дар ҷаласа бораи муайян кардани рӯзи баргузории Иди Қурбон дар саросари кишвар қарор қабул шуд.

Раиси Шӯрои уламои Марказӣ Саидмукаррам Абдуқодирзода гуфта, ки “мувофиқи далелҳои илмӣ ва дар асоси хулосаи Институти астрофизикаи Академияи миллии илмҳои Ҷумҳурии Тоҷикистон рӯзи Иди саиди Қурбон дар кишвар ба рӯзи якшанбе 16-уми июн рост меояд.

Бар асоси ин, Шӯрои уламои кишвар қарор қабул карда, ки таҷлили Иди Қурбонро дар тамоми қаламрави ҷумҳурӣ рӯзи якшанбеи 16-уми июн соли 2024 ва баргузории намози идро соати 06:00-и субҳ эълон кард.

Раиси Шӯрои уламои кишвар Саидмукаррам Абдуқодирзода аз аъзои Шӯро ва имомхатибон талаб карда, ки дар мавъизаҳояшон аз сулҳу ваҳдату оромӣ бигӯянд ва аз мардум бихоҳанд, ки “дар дастгирии ятимону пиронсолон ва табақаи ниёзманди ҷомеа, рушду шукуфоии кишвари азиз саҳми худро гузоранд.”

Корбарони шабакаҳои иҷтимоии тоҷикӣ мегӯянд, Абдуқодирзода бо ин гуфтаҳояш хатибонро водор карда, то дар минбарҳои масоҷид ба ҷои шукргузорӣ аз неъматҳои Худованд, ба шахси Эмомалӣ Раҳмон шукргузорӣ кунанд ва ӯро мадҳу сано бигӯянд ва ӯро дар зеҳни насли ҷавон ҳамчун шахси “наҷотбахш” ва беҳамто муаррифӣ кунанд.

Хабарро таблиғ кунед:

БЕШТАР БИХОНЕД
БЕШТАР БИХОНЕД

Гумонбарон дар қатли занҷираии Конибодом боздошт шуданд?

Мақомот гумонбарон дар қатли занҷираӣ дар шаҳри Конибодоми вилояти Суғдро боздошт кардаанд.

Ҳушдори КҲФ аз омадани сел дар баъзе манотиқ кишвар

Кумитаи ҳолатҳои фавқулодда ва мудофиаи граждании назди Ҳукумати Ҷумҳурии Тоҷикистон ба сокинон ва меҳмонони кишвар аз эҳтимоли омадани сел дар чанд ноҳияи кишвар ҳушдор медиҳад.

Боздошти Усмонзода бо иттиҳоми ғасби ҳокимият

Дахлнопазирии вакили парлумони кишвар Саидҷаъфар Усмонзода бекор ва худи ӯ ба ҳабси пешакӣ гирифта шуд.

“Карим”-ро аз Русия ихроҷ карданд

Мақомоти Русия варзишкори тоҷик ва қаҳрамони ду вазни созмони "Hardcore MMA" Фазлиддин "Карим" Мадраҳимовро аз ин кишвар ихроҷ карданд.