Раисҷумҳури худкомаи Тоҷикистон Эмомалӣ Раҳмон рӯзи 26-уми ноябр барои иштирок дар ҷаласаи навбатии Созмони Паймони Амнияти Дастҷамъӣ (СПАД) ба Қирғизистон сафар кард.
Дар ин сафар Раҳмоновро вазири корҳои хориҷӣ, ёвараш дар масъалаҳои робитаҳои хориҷӣ, вазири мудофиа, котиби Шӯрои амнияти Ҷумҳурии Тоҷикистон ва дигар мақомдорон ҳамроҳӣ доранд.
Гуфта мешавад, нишасти СПАД 27-уми ноябри соли ҷорӣ баргузор мешавад ва дар он тақвияти ҳамкорӣ барои мубориза бо қочоқи маводи мухаддир ва муҳоҷирати ғайриқонунӣ баррасӣ хоҳад шуд.
Ба ҷуз аз Эмомалӣ Раҳмон дар ин нишаст сарони кишварҳои Русия, Беларус ва Қазоқистон ниш ширкат хоҳанд кард.
СПАД як созмони ҳарбии минтақаии зери нуфузи Русия буда, бо иштироки ҷумҳуриҳои пешини шӯравӣ соли 1992 таъсис шудааст, аммо дар солҳои баъдӣ аз узвияти он чандин кишвар, аз ҷумла Озарбойҷон, Узбекистону Гурҷистон берун шуданд ва тақдири Арманистон низ дар ин созмон норӯшан боқӣ мондааст. Аз соли 2024 сарвазири ин кишвар Никол Пашинян узвияти Арманистонро дар СПАД мутаввақиф кардааст.
